ಫ್ಲೈಟ್‌ ಲೆಫ್ಟಿನೆಂಟ್‌ ಆಗಿ ಡಾ| ಐನಂಡ ಕಾವೇರಮ್ಮ

Team Udayavani, Aug 2, 2019, 10:00 AM IST

ಮಡಿಕೇರಿ: ಸೈನಿಕರ ತವರೂರು ಕೊಡಗು ಜಿಲ್ಲೆಗೆ ಮತ್ತೂಂದು ಹೆಮ್ಮೆಯ ಗರಿ ಮೂಡಿದೆ. ಭಾರತೀಯ ವಾಯು ಪಡೆಯ ವೈದ್ಯಕೀಯ ಕ್ಷೇತ್ರದಲ್ಲಿ ಫ್ಲೈಟ್‌ ಲೆಫ್ಟಿನೆಂಟ್‌ ಆಗಿ ಪೊನ್ನಂಪೇಟೆ ನಿವಾಸಿ ಡಾ| ಐನಂಡ ಬಿ. ಕಾವೇರಮ್ಮ ಅವರು ನೇಮಕವಾಗಿದ್ದಾರೆ.

ಐನಂಡ ಬಿ. ಕಾವೇರಮ್ಮ ಅವರು ತಮ್ಮ ವೈದ್ಯಕೀಯ ವಿದ್ಯಾಭ್ಯಾಸದ ತರಬೇತಿ ಅವಧಿಯಲ್ಲಿ ಭಾರತೀಯ ಸೇನೆ ನಡೆಸಿದ ಶಾರ್ಟ್‌ ಸರ್ವಿಸ್‌ ಕಮಿಷನ್‌ ಪರೀಕ್ಷೆಯಲ್ಲಿ ಪಾಲ್ಗೊಂಡು ಉತ್ತೀರ್ಣರಾಗಿ ಭಾರತೀಯ ವಾಯು ಪಡೆಯ ಕಮಿಷನ್‌ ಅಧಿಕಾರಿಯಾಗಿ ಆಯ್ಕೆಯಾಗಿದ್ದಾರೆ.

ಡಾ| ಕಾವೇರಮ್ಮ ವೆದ್ಯಕೀಯ ತರಬೇತಿಯನ್ನು ಬೆಂಗಳೂರಿನ ಕಮಾಂಡ್‌ ಆಸ್ಪತ್ರೆಯಲ್ಲಿ ಪೂರೈಸಿದ್ದಾರೆ. ಉತ್ತರ ಪ್ರದೇಶದ ಲಕ್ನೊದಲ್ಲಿ ನಡೆದ ಸೇನಾ ತರಬೇತಿಯನ್ನು ಪೂರ್ಣಗೊಳಿಸಿ ಜೋಧ್‌ಪುರದ ವಾಯು ನೆಲೆಯಲ್ಲಿ ಸೇವೆ ಸಲ್ಲಿಸುತ್ತಿದ್ದಾರೆ.

ಈಕೆ ಭಾರತೀಯ ವಾಯುಪಡೆಯ ವೈದ್ಯಕೀಯ ಕ್ಷೇತ್ರದಲ್ಲಿ ಕರ್ತವ್ಯ ನಿರ್ವಹಿಸುತ್ತಿರುವ ಏಕೈಕ ಕೊಡವ  ಮಹಿಳಾ ವೈದ್ಯೆ. ಅವರು ಪೊನ್ನಂ ಪೇಟೆಯ ಐನಂಡ ಕೆ. ಬೋಪಣ್ಣ – ಭಾರತಿ ಬೋಪಣ್ಣ ಅವರ ಪುತ್ರಿ.