ನಾಡ ಪಿಸ್ತೂಲ್‌ ಮಾರಾಟ ಯತ್ನ: ಓರ್ವನ ಬಂಧನ

Team Udayavani, Jul 27, 2019, 10:43 AM IST

ಮಡಿಕೇರಿ: ಕೊಡ್ಲಿಪೇಟೆ ವ್ಯಾಪ್ತಿಯಲ್ಲಿ ಅಕ್ರಮವಾಗಿ ನಾಡ ಪಿಸ್ತೂಲ್‌ ಮಾರಾಟಕ್ಕೆ ಯತ್ನಿಸುತ್ತಿದ್ದಾತನನ್ನು ಸೊತ್ತು ಸಹಿತ ಶನಿವಾರಸಂತೆ ಪೊಲೀಸರು ಬಂಧಿಸಿದ್ದಾರೆ.  ಉತ್ತರ ಪ್ರದೇಶದ ಬನಾರಸ್‌ ನಿವಾಸಿ ಸುಮಿತ್‌ ಚೌಧರಿ ಬಂಧಿತನಾಗಿದ್ದು, ಪೊಲೀಸರು ತನಿಖೆ ಚುರುಕುಗೊಳಿಸಿದ್ದಾರೆ.

ಜು. 23ರಂದು ಶನಿವಾರಸಂತೆ ಸಿಐ ಗಸ್ತು ನಿರತರಾಗಿದ್ದಾಗ ವ್ಯಕ್ತಿಯೊಬ್ಬ ನಾಡ ಪಿಸ್ತೂಲನ್ನು ಮಾರಾಟ ಮಾಡಲು ಹೊಂಚು ಹಾಕುತ್ತಿರುವ ಬಗ್ಗೆ ಮಾಹಿತಿ ಲಭಿಸಿತ್ತು. ಇದನ್ನಾಧರಿಸಿ ಕಾರ್ಯಾಚರಣೆ ನಡೆಸಿದ ಪೊಲೀಸ್‌ ತಂಡ ಆರೋಪಿಯನ್ನು ಬಂಧಿಸಿ, ಆತನಿಂದ ಒಂದು ನಾಡ ಪಿಸ್ತೂಲ್‌ ಮತ್ತು ಒಂದು ಸಜೀವ ಗುಂಡನ್ನು ವಶಕ್ಕೆ ಪಡೆದುಕೊಂಡಿದೆ.

ಸುಮಿತ್‌ ಕೊಡ್ಲಿಪೇಟೆಯಲ್ಲಿ ಮರಳು ಕಾರ್ಮಿಕನಾಗಿದ್ದ ಎಂದು ಎಸ್‌ಪಿ ಡಾ| ಸುಮನ ಡಿ. ಪನ್ನೇಕರ್‌ ತಿಳಿಸಿದ್ದಾರೆ. ಆರೋಪಿಯು ಸುಮಾ ರು 10 ವರ್ಷಗಳಿಂದ ಮಂಗಳೂರಿನಲ್ಲಿ ಕೆಲಸ ಮಾಡುತ್ತಿದ್ದು, ಕೆಲ ಸಮಯದ ಹಿಂದೆ ಕೊಡಗು ಜಿಲ್ಲೆಗೆ ಬಂದಿದ್ದ. ಆತ ನೀಡಿರುವ ಮಾಹಿತಿ ಹಿನ್ನೆಲೆಯಲ್ಲಿ ಉತ್ತರ ಪ್ರದೇಶಕ್ಕೂ ತೆರಳಿ ತನಿಖೆ ನಡೆಸಲಿದ್ದೇವೆ ಎಂದು ಎಸ್‌. ಪಿ. ತಿಳಿಸಿದರು.