ಸೋಮವಾರಪೇಟೆ: ಕಪ್ಪು ಪಟ್ಟಿ ಧರಿಸಿ ಖಾಸಗಿ ವೈದ್ಯರ ಪ್ರತಿಭಟನೆ

Team Udayavani, Jun 19, 2019, 5:57 AM IST

ಸೋಮವಾರಪೇಟೆ : ಪಶ್ಚಿಮ ಬಂಗಾಲದಲ್ಲಿ ವೈದ್ಯರ ಮೇಲೆ ನಡೆದ ಹಲ್ಲೆಯನ್ನು ಖಂಡಿಸಿ ಸೋಮವಾರಪೇಟೆಯ ಖಾಸಗಿ ವೈದ್ಯರು ಕಪ್ಪು ಪಟ್ಟಿ ಧರಿಸಿ, ತುರ್ತು ಸೇವೆಯಲ್ಲಿ ತೊಡಗಿಸಿಕೊಳ್ಳುವ ಮೂಲಕ ಪ್ರತಿಭಟನೆ ವ್ಯಕ್ತಪಡಿಸಿದರು.

ವೈದ್ಯರ ಮೇಲೆ ಹಲ್ಲೆ ಪ್ರಕರಣಗಳು ನಡೆಯದಂತೆ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಬೇಕು. ಹಲ್ಲೆ ಮಾಡಿದವರನ್ನು ಜಾಮೀನು ರಹಿತವಾಗಿ ಬಂಧಿಸಿ ಕನಿಷ್ಟ 7 ವರ್ಷ ಶಿಕ್ಷೆಗೆ ಒಳಪಡಿಸಬೇಕು ಎಂದು ಪ್ರತಿಭಟನ ನಿರತ ವೈದ್ಯರುಗಳು ಆಗ್ರಹಿಸಿದರು.

ಸಂತೆ ದಿನವಾದ ಹಿನ್ನೆಲೆ ಅನಾ ರೋಗ್ಯ ಪೀಡಿತರಿಗೆ ಅನಾನುಕೂಲವಾ ಗಬಾರದು ಎಂಬ ನಿಟ್ಟಿನಲ್ಲಿ ಕಪ್ಪು ಪಟ್ಟಿ ಧರಿಸಿ ಸೇವೆ ಒದಗಿಸುತ್ತಿದ್ದೇವೆ ಎಂದು ಹಿರಿಯ ವೈದ್ಯ ಡಾ| ಪುಟ್ಟಣ್ಣ ಹೇಳಿದರು.

ವೈದ್ಯರುಗಳಾದ ಮನೋರಮ, ಶರ್ಮಿಳಾ ಫೆರ್ನಾಂ ಡೀಸ್‌, ವಸಂತ್‌, ವೆಂಕಟೇಶ್‌, ಜಯ ರಾಜ್‌, ಬಿ.ಪಿ. ಶೆಟ್ಟಿ ಅವರು ಉಪಸ್ಥಿತರಿದ್ದರು.