ಪರಿಸರ ದಿನಾಚರಣೆ: 80 ಸಸಿ ನೆಟ್ಟ ಯುವಕರು

Team Udayavani, Jun 10, 2019, 11:12 AM IST

ಬೇತಮಂಗಲ ಹೋಬಳಿ ವ್ಯಾಪ್ತಿಯ ಹುಲ್ಕೂರು ಯುವಕರು ತಮ್ಮ ಗ್ರಾಮದ ಮುಖ್ಯದ್ವಾರದವರೆಗೂ ವಿಶ್ವ ಪರಿಸರ ದಿನಾಚರಣೆ ಅಂಗವಾಗಿ ಸಸಿ ನೆಟ್ಟರು.

ಬೇತಮಂಗಲ: ಹೋಬಳಿ ವ್ಯಾಪ್ತಿಯ ಹುಲ್ಕೂರು ಯುವಕರು ಮತ್ತು ಗ್ರಾಮಸ್ಥರು ವಿಶ್ವ ಪರಿಸರ ದಿನಾಚರಣೆ ಅಂಗವಾಗಿ ಗ್ರಾಮದ ಮುಖ್ಯದ್ವಾರದವರೆಗೂ ಸಸಿ ನೆಟ್ಟರು.

ಬಂಗಾರು ತಿರುಪತಿ ದೇಗುಲದಿಂದ 1 ಕಿ.ಮೀ ದೂರದಲ್ಲಿರುವ ಗ್ರಾಮವು ಇತರರಿಗೆ ಮಾದರಿಯಾಗಬೇಕೆಂಬ ದೂರ ದೃಷ್ಟಿಯಿಂದ ಗ್ರಾಮದ ರಸ್ತೆಯ ಎರಡೂ ಬದಿಯಲ್ಲಿ ಸಸಿ ನೆಡಲಾಯಿತು ಎಂದು ಯುವಕರು ಹೇಳಿದರು.

ಮೊದಲ ಬಾರಿಗೆ ಸಸಿಗಳ ನೆಡುವ ಕಾರ್ಯಕ್ರಮವನ್ನು ಪ್ರಾರಂಭಿಸಿದ್ದು, ಪರಿಸರ ಬೆಳೆಸಿ-ಉಳಿಸಲು ಮುಂದಾಗಿದ್ದೇವೆ. ಗಿಡಮರ ಬೆಳೆಸುವುದರಿಂದ ಉತ್ತಮ ವಾತಾವರಣ ನಿರ್ಮಾಣಗೊಂಡು, ಮಳೆ-ಬೆಳೆಯಾಗಲಿದೆ ಎಂಬ ವಿಶ್ವಾಸ ವ್ಯಕ್ತಪಡಿಸಿದರು.

ಹುಲ್ಕೂರು ಗ್ರಾಮದಲ್ಲಿ 80 ಸಸಿ ನೆಡುವ ಉದ್ದೇಶ ಹೊಂದಿದ್ದು, ಸುತ್ತಲೂ ಬೇಲಿ ನಿರ್ಮಿಸಿ ಮರಗಳಾಗಿ ಬೆಳೆಸಲು ಪಣತೋಡುವುದಾಗಿ ತಿಳಿಸಿದರು. ಯುವಕರಾದ ಪುರುಷೋತ್ತಮ್‌, ಶ್ರೀಕಾಂತ್‌, ಹರೀಶ್‌, ಗೋಪಾಲ್, ಸುರೇಶ್‌, ಧಮೇಂದ್ರ, ಅಮರೇಶ್‌, ವೇಣುಗೌಡ, ಗ್ರಾಮದ ಮುಖಂಡರು ಉಪಸ್ಥಿತರಿದ್ದರು.