![Anna Movie: ಅನ್ನಂ ಪರಬ್ರಹ್ಮ ಸ್ವರೂಪಂ!](https://www.udayavani.com/wp-content/uploads/2024/09/17-3-415x249.jpg)
ಜಿಲ್ಲೆಯ 3 ಪುರಸಭೆಗೆ ಚುನಾವಣೆ ಪ್ರಕಟ
ಮಾಲೂರು, ಬಂಗಾರಪೇಟೆ, ಶ್ರೀನಿವಾಸಪುರ ಪುರಸಭೆಗೆ ಚುನಾವಣೆ • 9ರಂದು ಅಧಿಸೂಚನೆ
Team Udayavani, May 4, 2019, 10:04 AM IST
![kolar-1-tdy..](https://www.udayavani.com/wp-content/uploads/2019/05/kolar-1-tdy..-602x465.jpg)
ಕೋಲಾರ: ಸ್ಥಳೀಯ ಸಂಸ್ಥೆಗಳ ಸಾರ್ವತ್ರಿಕ ಚುನಾವಣೆಗೆ ಸಂಬಂಧಿಸಿದಂತೆ ಜಿಲ್ಲೆಯ ಮಾಲೂರು, ಬಂಗಾರಪೇಟೆ ಹಾಗೂ ಶ್ರೀನಿವಾಸಪುರ ಪುರಸಭೆಗಳಿಗೆ ಚುನಾವಣಾ ದಿನಾಂಕವನ್ನು ನಿಗದಿಪಡಿಸಿ ರಾಜ್ಯ ಚುನಾವಣಾ ಆಯೋಗವು ಅದಿಸೂಚನೆ ಹೊರಡಿಸಿದೆ ಎಂದು ಜಿಲ್ಲಾಧಿಕಾರಿ ಜೆ.ಮಂಜುನಾಥ್ ತಿಳಿಸಿದ್ದಾರೆ.
ಅಧಿಸೂಚನೆಯನ್ನು ಮೇ 9 ರಂದು ಹೊರಡಿಸಲಿದ್ದು, 16 ನಾಮಪತ್ರ ಸಲ್ಲಿಸಲು ಕೊನೆಯ ದಿನವಾಗಿದೆ. 17ರಂದು ಪರಿಶೀಲಿಸಲಿದ್ದು, 20 ಉಮೇದುವಾರಿಕೆ ಹಿಂಪಡೆದುಕೊಳ್ಳಲು ಕೊನೆ ದಿನವಾಗಿದೆ. ಮತದಾನ 29ರಂದು ಬೆಳಗ್ಗೆ 7 ಗಂಟೆಯಿಂದ ಸಂಜೆ 5 ಗಂಟೆಯವರೆಗೆ ನಡೆಸಲಾಗುವುದು. ಮರು ಮತದಾನ ಇದ್ದಲ್ಲಿ ಅದನ್ನು 30ರಂದು ಬೆಳಗ್ಗೆ 7 ಗಂಟೆಯಿಂದ ಸಂಜೆ 5ರವರೆಗೆ ನಡೆಸಲಾಗುವುದು. ಮತ ಎಣಿಕೆ ಆಯಾ ತಾಲೂಕು ಕೇಂದ್ರ ಸ್ಥಳಗಳಲ್ಲಿ 31ರಂದು ಬೆಳಗ್ಗೆ 8 ಗಂಟೆಗೆ ನಡೆಸಲಾಗುವುದು. 31 ರೊಳಗಾಗಿ ಚುನಾವಣೆ ಮುಕ್ತಾಯಗೊಳಿಸಬೇಕು.
ಚುನಾವಣಾಧಿಕಾರಿಗಳ ನೇಮಕ: ಈ ಸಂಬಂಧ ಮೇ 2ರಿಂದಲೇ ಸದಾಚಾರ ಸಂಹಿತಿಯು ಜಾರಿಗೆ ಬಂದಿದ್ದು, ಇದು 31ರವರೆಗೂ ಜಿಲ್ಲೆಯ ಮಾಲೂರು, ಬಂಗಾರಪೇಟೆ ಹಾಗೂ ಶ್ರೀನಿವಾಸಪುರ ತಾಲೂಕು ಪುರಸಭಾ ಸಂಸ್ಥೆಗಳ ವ್ಯಾಪ್ತಿಯಲ್ಲಿ ಜಾರಿಯಲ್ಲಿರುತ್ತದೆ. ಈ ಸದಾಚಾರ ಸಂಹಿತಿಯನ್ನು ಪ್ರತಿಯೊಬ್ಬರೂ ಪಾಲಿಸಬೇಕು. ಚುನಾವಣೆಯ ಕರ್ತವ್ಯ ನಿರ್ವಹಿಸಲು ತಾಲೂಕುವಾರು ಚುನಾವಣಾಧಿಕಾರಿಗಳನ್ನು ನೇಮಿಸಲಾಗಿದೆ.
ಮತಗಟ್ಟೆಗಳ ವಿವರ: ಜಿಲ್ಲೆಯಲ್ಲಿ ನಿಗದಿತ 3 ಪುರಸಭೆಗಳಲ್ಲಿ ಒಟ್ಟು 77 ವಾರ್ಡ್ಗಳಿವೆ. 8 ಮಂದಿ ಆರ್ಒಗಳು ಹಾಗೂ 8 ಮಂದಿ ಎಆರ್ಒಗಳು ಕಾರ್ಯನಿರ್ವಹಿಸುವರು. ಈ ಪೈಕಿ ಮಾಲೂರಿನಲ್ಲಿ 27 ವಾರ್ಡ್ಗಳಿದ್ದು, 3 ಮಂದಿ ಆರ್ಒಗಳು ಹಾಗೂ 3 ಮಂದಿ ಎಆರ್ಒಗಳು, ಬಂಗಾರಪೇಟೆಯಲ್ಲಿ ಒಟ್ಟು 27 ವಾರ್ಡ್ಗಳಿದ್ದು, 3 ಮಂದಿ ಆರ್ಒಗಳು ಹಾಗೂ 3 ಮಂದಿ ಎಆರ್ಒಗಳು ಹಾಗೂ ಶ್ರೀನಿವಾಸಪುರ ಪುರಸಭೆಯಲ್ಲಿ ಒಟ್ಟು 23 ವಾರ್ಡ್ಗಳಿದ್ದು, 3 ಮಂದಿ ಆರ್ಒಗಳು ಹಾಗೂ 3 ಮಂದಿ ಎಆರ್ಒಗಳು ಕಾರ್ಯ ನಿರ್ವಹಿಸುವರು. ಅದರಂತೆ, ಮಾಲೂರು ಪುರಸಭೆಯಲ್ಲಿ 32 ಮತಗಟ್ಟೆಗಳು, ಬಂಗಾರಪೇಟೆಯಲ್ಲಿ 41 ಹಾಗೂ ಶ್ರೀನಿವಾಸಪುರ ಪುರಸಭೆಯಲ್ಲಿ 23 ಮತಗಟ್ಟೆಗಳು ಇವೆ.
ಈ ಬಾರಿಯ ಪುರಸಭೆ ಚುನಾವಣೆಯಲ್ಲಿ ನೋಟಾ ನೀಡಲಾಗಿದೆ. ಅಭ್ಯರ್ಥಿಗಳನ್ನು ಗುರುತಿಸಲು ಮತಪತ್ರದಲ್ಲಿ ಅವರ ಹೆಸರಿನ ಮುಂದೆ ಅವರ ಇತ್ತೀಚಿನ ಭಾವಚಿತ್ರ ಮುದ್ರಿಸಲು ಬಗ್ಗೆ ಚುನಾವಣಾ ಆಯೋಗದ ನಿರ್ದೇಶನದಂತೆ ಕ್ರಮ ವಹಿಸಲಾಗುವುದು. ಮತದಾರನಿಗೆ ಅಭ್ಯರ್ಥಿಯ ಪೂರ್ವಾಪರ ತಿಳಿದುಕೊಳ್ಳಲು ಅಫಿಡೆವಿಟ್ ಸಲ್ಲಿಸಬೇಕು. ಚುನಾವಣೆ ನಡೆಯಲಿರುವ 3 ತಾಲೂಕುಗಳಲ್ಲಿ ಕಾನೂನು ಸುವ್ಯವಸ್ಥೆ ಕಾಪಾಡಲು ಸಾರ್ವಜನಿಕರು ಸಹಕರಿಸಬೇಕು ಎಂದು ತಿಳಿಸಿದ್ದಾರೆ.
ಟಾಪ್ ನ್ಯೂಸ್
![Anna Movie: ಅನ್ನಂ ಪರಬ್ರಹ್ಮ ಸ್ವರೂಪಂ!](https://www.udayavani.com/wp-content/uploads/2024/09/17-3-415x249.jpg)
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.