ನೆರೆ ಸಂತ್ರಸ್ತರಿಗೆ ಮಿಡಿದ ಕೋಲಾರದ ಜನತೆ

Team Udayavani, Aug 11, 2019, 5:09 PM IST

ಕೋಲಾರ: ನಗರದ ಜನರು ರಾಜ್ಯದ ನೆರೆ ಪೀಡಿತ ಜಿಲ್ಲೆಗಳ ಜನತೆಗೆ ಆಹಾರ ಒದಗಿಸಲು ಮುಂದಾಗಿದ್ದಾರೆ.

ನಗರದ ಶಾರದಾಂಭ ಛತ್ರದಲ್ಲಿ ಭಾನುವಾರ ಬೆಳಿಗ್ಗೆಯಿಂದಲೂ ಚಪಾತಿ ಮತ್ತು ರೊಟ್ಟಿ ತಯಾರಿಸುವ ಕಾರ್ಯ ಭರದಿಂದ ಸಾಗಿದೆ.

ನೆರೆ ಸಂತ್ರಸ್ತರಿಗಾಗಿ ಸುಮಾರು 10000 ಚಪಾತಿ ಮತ್ತು ರೊಟ್ಟಿಗಳನ್ನು ತಯಾರಿಸುವ ಗುರಿ ಹೊಂದಲಾಗಿದೆ.

ಭಾನುವಾರ ಬೆಳಿಗ್ಗೆಯಿಂದಲೇ ಮಹಿಳೆಯರು ಮತ್ತು ಯುವಕರು ಸ್ವಯಂಸೇವಕರಾಗಿ ಛತ್ರಕ್ಕೆ ಆಗಮಿಸಿ ಚಪಾತಿ ಮತ್ತು ರೊಟ್ಟಿ ತಯಾರಿಸುವ ಕಾರ್ಯದಲ್ಲಿ ತಮ್ಮನ್ನು ತೊಡಗಿಸಿ ಕೊಂಡಿದ್ದಾರೆ.

ಮಹಿಳೆಯರು ಚಪಾತಿಯನ್ನು ಲಟ್ಟಿಸಿ ತಯಾರಿಸುತ್ತಿದ್ದರೆ ಯುವಕರು ಅವುಗಳನ್ನು ಅಚ್ಚುಕಟ್ಟಾಗಿ ಪ್ಯಾಕ್ ಮಾಡುತ್ತಿದ್ದಾರೆ.

ಸೋಮವಾರದವರೆಗೂ ಚಪಾತಿ ತಯಾರಿಕೆ ಮುಂದುವರಿಯಲಿದ್ದು ನಂತರ ಅವುಗಳನ್ನು ನೆರೆಪೀಡಿತ ಜಿಲ್ಲೆಗಳಿಗೆ ಕಳುಹಿಸಿ ಕೊಡಲಾಗುವುದೆಂದು ಮಹೇಶ್ ರಾವ್ ಕದಮ್ ತಿಳಿಸಿದ್ದಾರೆ.