ಇಂದಿನಿಂದ ತೆರೆಯಲಿದೆ ದೇಗುಲ ಬಾಗಿಲು

Team Udayavani, Jun 8, 2020, 7:38 AM IST

ಕೋಲಾರ: ಕೋವಿಡ್‌ 19 ಮಾರಿಯ ಆರ್ಭಟ ಹಾಗೂ ಲಾಕ್‌ಡೌನ್‌ನಿಂದಾಗಿ ಕಳೆದ 73 ದಿನಗಳ ದೀರ್ಘ‌ಕಾಲ ಬಂದ್‌ ಆಗಿದ್ದ ನಗರದ ದೇವಾಲಯಗಳು ಸೋಮವಾರ ತೆರೆಯಲಿದ್ದು, ದೇಗುಲಗಳ ಸ್ವಚ್ಛತಾ ಕಾರ್ಯ ಭರದಿಂದ  ನಡೆಯಿತು. ಕೋವಿಡ್‌ 19 ಸೋಂಕು ಹರಡುವ ಭೀತಿಯಲ್ಲಿ ರಾಜ್ಯ ಸರ್ಕಾರ ಹೊರಡಿಸಿರುವ ಸೂಚನೆಯಂತೆ ದೇಶಾದ್ಯಂತ ದೇವಾಲಯ, ಮಸೀದಿ, ಚಚ್‌ ìಗಳನ್ನು ಮುಚ್ಚಲಾಗಿತ್ತು, ಇದೀಗ ದೇವಾಲಯಗಳನ್ನು ತೆರೆಯಲು ಅವಕಾಶ  ನೀಡಿರುವ ಹಿನ್ನೆಲೆಯಲ್ಲಿ ಸೋಮವಾರದಿಂದ ಭಕ್ತರಿಗೆ ದೇವರ ದರ್ಶನ ಸಿಗಲಿದೆ.

ಕೇಂದ್ರ ಹಾಗೂ ರಾಜ್ಯ ಸರ್ಕಾರಗಳ ಮಾರ್ಗಸೂಚಿಯಂತೆಯೇ ದೇವಾಲಯಗಳಲ್ಲೂ ಸಾಮಾಜಿಕ ಅಂತರ ಕಾಯುಕೊಳ್ಳುವಿಕೆ, ಸ್ಯಾನಿಟೈಸರ್‌ ಬಳಕೆ, ತೀರ್ಥ, ಪ್ರಸಾದ ವಿನಿಯೋಗ ರದ್ದು  ಇವೆಲ್ಲವೂ ಕಡ್ಡಾಯವಾಗಿರಬೇಕೆಂದು ಜಿಲ್ಲಾಧಿಕಾರಿ ಸಿ.ಸತ್ಯಭಾಮ ಹೊರಡಿಸಿರುವ ಅಧಿಸೂಚನೆ ತಿಳಿಸಿದೆ. ದೇವರ ದರ್ಶನಕ್ಕೆ ಕಾತರದಿಂದ ಕಾಯುತ್ತಿದ್ದ ಭಕ್ತರಿಗೆ ಶುಭ ಸೂಚನೆಯಾಗಿದ್ದು,  ಸೋಮವಾರ ಕೆಲವು ನಿಬಂಧನೆಗಳಿಗೆ ಒಳ ಪಟ್ಟು ದೇವರ ದರ್ಶನ ಮಾಡಬ ಹುದಾಗಿದೆ.

ದೇವಾಲಯಗಳಲ್ಲಿ ಸ್ವಚ್ಛತಾ ಕಾರ್ಯ: ನಗರದ ಕೆಇಬಿ ಕಾಲೋನಿಯ ವಿದ್ಯಾಗಣಪತಿ, ದೊಡ್ಡಪೇಟೆಯ ನಂಜುಂಡೇಶ್ವರಸ್ವಾಮಿ, ವೆಂಕಟರಮಣಸ್ವಾಮಿ ದೇವಾಲಯ, ದೊಡ್ಡ ಹನುಮ, ಅಂತರಗಂಗೆಯ ಪ್ರಸಿದಟಛಿ ಕಾಶಿ ವಿಶ್ವೇಶ್ವರಸ್ವಾಮಿ, ನಗರದ ಶನೇಶ್ವರಸ್ವಾಮಿ, ಪಂಚಮುಖೀ ಹನುಮ ಸೇರಿದಂತೆ ಎಲ್ಲಾ ದೇವಾಲಯಗಳಲ್ಲಿ ಭಾನುವಾರ ಇಡೀ ದಿನ ಸ್ವಚ್ಛತಾ ಕಾರ್ಯ ನಡೆಯಿತು. ಅಪ್ಪಣ್ಣ ಶಾಸ್ತ್ರಿಗಳು ಮಾತನಾಡಿ, ದೇವಾಲಯ ಆರಂಭಕ್ಕೆ  ಅವಕಾಶ  ನೀಡಿರುವುದು ಸಂತಸದ ವಿಷಯವಾಗಿದೆ, ನಾವೂ ಸಾಮಾಜಿಕ ಅಂತರ ಕಾಯ್ದುಕೊಂಡು, ಎಲ್ಲಾ ಮಾರ್ಗಸೂಚಿಗಳನ್ನು ಕಡ್ಡಾಯವಾಗಿ ಪಾಲಿಸಿ ಪೂಜೆ ಮಾಡಿಕೊಂಡು ಹೋಗುವು ದಾಗಿ ತಿಳಿಸಿ, ಇದಕ್ಕೆ ಭಕ್ತರು ಸಹಕಾರ ನೀಡ ಬೇಕು,  ಮಾಸ್ಕ್ ಧರಿಸಿಯೇ ದೇಗುಲಕ್ಕೆ ಬರಬೇಕು ಎಂದು ಮನವಿ ಮಾಡಿದರು.

ಕೋಲಾರಮ್ಮ -ಸೋಮೇಶ್ವರ ದರ್ಶನ ಭಾಗ್ಯವಿಲ್ಲ: ಕೋಲಾರದ ಕೋಟೆ ಭಾಗದಲ್ಲಿ ಕೋವಿಡ್‌ 19 ಸೋಂಕಿನಿಂದ ಸೀಲ್‌ಡೌನ್‌ ಆಗಿ ರುವ ಹಿನ್ನೆಲೆಯಲ್ಲಿ ಇತಿಹಾಸ ಪ್ರಸಿದಟಛಿ ನಗರ ದೇವತೆ ಕೋಲಾರಮ್ಮ ಹಾಗೂ ಸೋಮೇಶ್ವರಸ್ವಾಮಿ ದೇವಾಲಯಗಳನ್ನು ಮುಂದಿನ  ಆದೇಶದವರೆಗೂ ತೆರೆಯದಿರುವಂತೆ ಜಿಲ್ಲಾಧಿ ಕಾರಿಗಳು ಸೂಚನೆ ನೀಡಿದ್ದಾರೆ. 73 ದಿನಗಳ ನಂತರ ಸೋಮವಾರ ದೇವಾಲಯಗಳತ್ತ ಭಕ್ತರ ದಂಡು ಆಗಮಿಸಲಿದ್ದು, ಸಾಮಾಜಿಕ  ಅಂತರ ಕಾಯ್ದುಕೊಳ್ಳಲು ದೇವಾಲಯಗಳ ಆಡಳಿತ ಮಂಡಳಿ ಅಗತ್ಯ ಕ್ರಮ ಕೈಗೊಳ್ಳುತ್ತಿದೆ.

ದೇವಾಲಯ ಆರಂಭಿಸಲು ಸರ್ಕಾರ ನೀಡಿರುವ ಸೂಚನೆಗಳನ್ನು ಕಡ್ಡಾಯವಾಗಿ ಪಾಲಿಸಿ, ಭಕ್ತರು ಇದನ್ನು ಪಾಲಿಸುವಂತೆ ಸೂಚಿಸಲಾಗಿದೆ. ಸೋಮವಾರ ದೇವಾಲಯಗಳ ಸ್ಥಳ ಪರಿಶೀಲನೆ ನಡೆಸಿ ವರದಿ ಸಲ್ಲಿಸುವಂತೆ ಅಧಿಕಾರಿಗಳಿಗೆ  ಆದೇಶಿಸಲಾಗಿದೆ.
-ಸಿ.ಸತ್ಯಭಾಮ, ಜಿಲ್ಲಾಧಿಕಾರಿ