ಆನೆಗೊಂದಿ ಉತ್ಸವ ಮಹಿಳಾ ಸ್ವಸಹಾಯ ಗುಂಪಿನಿಂದ ಕಾರ್ತೀಕೋತ್ಸವದ ಪ್ರಚಾರ

Team Udayavani, Dec 24, 2019, 11:21 AM IST

ಗಂಗಾವತಿ: ಆನೆಗೊಂದಿ ಉತ್ಸವ ನಿಮಿತ್ತ ಆನೆಗೊಂದಿ ವ್ಯಾಪ್ತಿಯ ಮಹಿಳಾ ಸ್ವಸಹಾಯ ಗುಂಪಿನ ಸದಸ್ಯ ಶ್ರೀ ರಂಗನಾಥ ಸ್ವಾಮಿ ದೇಗುಲದಲ್ಲಿ ಕಾರ್ತಿಕ ದೀಪ ಹಚ್ಚುವ ಮೂಲಕ ಪ್ರಚಾರ ನಡೆಸಿದರು.

ಕಾರ್ತೀಕದೀಪೋತ್ಸವ ಕ್ಕೆ ತಾಲೂಕು ಪಂಚಾಯತ್ ಸಿಇಓ ಡಾ.ಮೋಹನ ಕುಮಾರ್ ಚಾಲನೆ ನೀಡಿ ಮಾತನಾಡಿ, ಜನೇವರಿ 09,10ರಂದು ಆಯೋಜಿಸಿರುವ ಆನೆಗೊಂದಿ ಉತ್ಸವ ಜನೋತ್ಸವವಾಗಲು ಜಿಲ್ಲಾಡಳಿತ ಸರ್ವ ಸಿದ್ದತೆ ಮಾಡಿದೆ. ಸ್ಥಳೀಯ ಕಲಾವಿದರಿಗೆ ಅವಕಾಶಗಳಿದ್ದು ಕಲೆ ಸಾಹಿತ್ಯ, ಜನಪದ ಮತ್ತು ಸ್ಥಳೀಯ ಸೊಬಗು ಪ್ರದರ್ಶನಕ್ಕೆ ಅವಕಾಶ ನೀಡಲಾಗಿದೆ. ವಿಜಯನಗರ ಆನೆಗೊಂದಿ ಸುತ್ತಲಿನ ಪ್ರದೇಶದಲ್ಲಿರುವ ಸ್ಮಾರಕ ಇತಿಹಾಸವನ್ನು ಹೊರಜಗತ್ತಿಗೆ ತಿಳಿಸಲು ಆನೆಗೊಂದಿ ಉತ್ಸವ ನೆರವಾಗಲಿ ಎಂದರು.

ಆನೆಗೊಂದಿ ಗ್ರಾಮ ಪಂಚಾಯತ್ ಅಧ್ಯಕ್ಷೆ ಅಂಜನಾದೇವಿ ಸೇರಿ ಪಿಡಿಒ ಕೃಷ್ಣಪ್ಪ ಸೇರಿ ತಾಲೂಕಿನ ಎಲ್ಲಾ ಪಿಡಿಒಗಳೊಂದಿಗೆ ಮೇಣದಬತ್ತಿ ಹಚ್ಚುವ ಮೂಲಕ ಉತ್ಸವದ ಪ್ರಚಾರಪಡಿಸಲಾಯಿತು ಮತ್ತು ಮನೆ ಮನೆ ಶೃಂಗಾರ ಮಾಡಲು ಎಲ್ಲಾ ಮಹಿಳೆಯರಿಗೆ ತಿಳಿಸಲಾಯಿತು.