ಕುಷ್ಟಗಿ: ಡಾಬಾದಲ್ಲಿ ಡ್ರಗ್ಸ್ ವಿಶೇಷ ಚಹಾದ ರೀತಿ ಮಾರಾಟ; ಅಬಕಾರಿ ಇಲಾಖೆ ದಾಳಿ

Team Udayavani, Dec 22, 2022, 11:30 AM IST

ಕುಷ್ಟಗಿ: ಕುಷ್ಟಗಿ-ಇಲಕಲ್ ಚತುಷ್ಪಥ ರಾಷ್ಟ್ರೀಯ ಹೆದ್ದಾರಿಯ ವಣಗೇರಿ ಟೋಲ್ ಪ್ಲಾಜಾ ಬಳಿ ಡಾಬಾವೊಂದರಲ್ಲಿ 390 ಗ್ರಾಮ್ ಗಾಂಜಾ (opium Poppy stare powder) ಪತ್ತೆಯಾಗಿರುವುದು ತಡವಾಗಿ ಬೆಳಕಿಗೆ ಬಂದಿದೆ.

ಬೋದೂರು ತಾಂಡದ ಸೀಮಾದ ಹೆದ್ದಾರಿಗೆ ಹೊಂದಿಕೊಂಡಿರುವ ರಾಜಸ್ಥಾನ ಮೂಲದ ಮಹಾದೇವ ಡಾಬಾದಲ್ಲಿ ಈ ಅಕ್ರಮ ಬಯಲಾಗಿದೆ.

ಈ ಡಾಬಾದಲ್ಲಿ ಡ್ರಗ್ಸ್ ವಿಶೇಷ ಚಹಾದ ರೀತಿಯಲ್ಲಿ ಮಾರಾಟ ಮಾಡಲಾಗುತ್ತಿತ್ತು. ಇದನ್ನು ಸೇವಿಸುವ ಗ್ರಾಹಕರು ನಿದ್ರೆ, ಆಯಾಸ ಇಲ್ಲದೇ ವಾಹನ ಚಲಾಯಿಸುವ ಸಲುವಾಗಿ ಮಾದಕ ನಶೆಯನ್ನು ತೆಗೆದುಕೊಳ್ಳುತ್ತಿದ್ದರು. ಇದರ ರುಚಿ ಸ್ಥಳೀಯ ಗ್ರಾಹಕರು ಅನುಭವಿಸುತ್ತಿದ್ದರು. ಈ ವಿಷಯ ತಿಳಿಯುತ್ತಿದ್ದಂತೆ‌ ಕುಷ್ಟಗಿಯ ಅಬಕಾರಿ ಇಲಾಖೆಯವರು ಇತ್ತೀಚೆಗೆ ದಾಳಿ ನಡೆಸಿ ಮಹಾದೇವ ಡಾಬಾ ಮಾಲೀಕನನ್ನು ವಶಕ್ಕೆ ತೆಗೆದುಕೊಂಡಿದ್ದಾರೆ.

ಇಲ್ಲಿ ರಾಜಸ್ಥಾನ ಲಾರಿ ಚಾಲಕರು ಹೆಚ್ಚು ಸೇವಿಸುತ್ತಿದ್ದಾರೆ. ಈ ರಾಜ್ಯದ ಲಾರಿಗಳಿಂದ ಹೆಚ್ಚು ಅಪಘಾತಗಳಾಗಿವೆ. ಬೂದಗುಂಪಾದಿಂದ ಇಲಕಲ್ ವರೆಗೂ ಮಹಾದೇವ ಡಾಬಾಗಳಿದ್ದು ಕುಷ್ಟಗಿ ಹೆದ್ದಾರಿ ವ್ಯಾಪ್ತಿಯಲ್ಲಿ ಎರಡು ಇವೆ.