ದೋಟಿಹಾಳ ಆರೋಗ್ಯಕೇಂದ್ರಕ್ಕೆ ಕಾಯಕಲ್ಪ ಪ್ರಶಸ್ತಿ

Team Udayavani, Nov 9, 2019, 3:04 PM IST

ದೋಟಿಹಾಳ: ಗ್ರಾಮದ ಪ್ರಾಥಮಿಕ ಆರೋಗ್ಯ ಕೇಂದ್ರಕ್ಕೆ 2018-19ನೇ ಸಾಲಿನ ಕಾಯಕಲ್ಪ ಪ್ರಶಸ್ತಿ ಲಭಿಸಿದೆ. ಶುಚಿತ್ವ, ನೈರ್ಮಲ್ಯ, ಸೂಕ್ತ ಸೌಲಭ್ಯ ಹೊಂದಿರುವ ಜಿಲ್ಲೆಯ ಏಕೈಕ ಪ್ರಾಥಮಿಕ ಆರೋಗ್ಯ ಕೇಂದ್ರಕ್ಕೆ ಈ ಪ್ರಶಸ್ತಿ ನೀಡಲಾಗುತ್ತದೆ.

ಹೀಗಾಗಿ ಬೆಂಗಳೂರಿನ ವೈದ್ಯಕೀಯ ಮಹಾವಿದ್ಯಾಲಯದಲ್ಲಿ ನಡೆದ ಸಮಾರಂಭದಲ್ಲಿ ದೋಟಿಹಾಳ ಗ್ರಾಮದ ಪ್ರಾಥಮಿಕ ಆರೋಗ್ಯ ಕೇಂದ್ರಕ್ಕೆ 2018-19ನೇ “ಕಾಯಕಲ್ಪ ಪ್ರಶಸ್ತಿ’ ದೊರೆತಿದೆ. ಆರೋಗ್ಯ ಇಲಾಖೆ ಸಚಿವ ಬಿ. ಶ್ರೀರಾಮುಲು, ಇಲಾಖೆಯ ಆಯುಕ್ತ ಡಾ| ಪಂಕಜಕುಮಾರ ಪಾಂಡೆ, ಜಾವೀದ್‌ ಅಕ್ತರ್‌ ಅವರು ದೋಟಿಹಾಳ ಆರೋಗ್ಯ ಕೇಂದ್ರದ ಡಾ| ಎ.ಬಿ. ಮೇಟಿಪಾಟೀಲ್‌ ಅವರಿಗೆ ಪ್ರಶಸ್ತಿ ಪ್ರದಾನ ಮಾಡಿದರು.

ಡಾ| ಎ.ಬಿ. ಮೇಟಿಪಾಟೀಲ್‌ ಅವರು ಮಾತನಾಡಿ, ಆರೋಗ್ಯ ಸೌಲಭ್ಯಗಳು, ಸ್ವತ್ಛತೆ, ಸುಚಿತ್ವ ಮತ್ತು ಉತ್ತಮ ಸೇವೆ ಸೇರಿದಂತೆ ವಿವಿಧ ಸೌಲಭ್ಯಕ್ಕಾಗಿ ಸಿಗುವ ಕಾಯಕಲ್ಪ ಪ್ರಶಸ್ತಿ ನಮ್ಮ ಪ್ರಾಥಮಿಕ ಆರೋಗ್ಯ ಕೇಂದ್ರಕ್ಕೆ ಸಿಬ್ಬಂದಿ, ಮೇಲಾಧಿಕಾರಿ ಮಾರ್ಗದರ್ಶನ ಹಾಗೂ ಸಾರ್ವಜನಿಕರ ಸಹಕಾರದಿಂದ ಸಿಕ್ಕಿದೆ.