Kishkinda ಅಂಜನಾದ್ರಿ ಹುಂಡಿಯಲ್ಲಿ 27.16 ಲಕ್ಷ ರೂ ಸಂಗ್ರಹ; ವಿದೇಶಿ ನೋಟುಗಳು

Team Udayavani, Nov 3, 2023, 7:48 PM IST

ಗಂಗಾವತಿ: ತಾಲೂಕಿನ ಇತಿಹಾಸ ಪ್ರಸಿದ್ಧ ಕಿಷ್ಕಿಂಧಾ ಅಂಜನಾದ್ರಿ ದೇವಾಲಯದ ಭಕ್ತರ ಕಾಣಿಕೆಯ ಹುಂಡಿ ಎಣಿಕೆ ಮಾಡಲಾಗಿದೆ,ಅಮೆರಿಕ, ಯುರೋಪ್ ದೇಶದ ನೋಟು,ನಾಣ್ಯ ಸೇರಿ ಒಟ್ಟು 27.16 ಲಕ್ಷ ರೂ.ಗಳು ಸಂಗ್ರಹವಾಗಿದೆ.

ಅಕ್ಟೋಬರ್ ಆ.09 ರಂದು ಎಣಿಕೆ ಮಾಡಿದಾಗ ಹುಂಡಿಯಲ್ಲಿ 25.57 ಲಕ್ಷ ರೂ.ಸಂಗ್ರಹವಾಗಿತ್ತು. ಸೆ. 21 ರಂದು ಎಣಿಕೆ ಮಾಡಿದಾಗ 31.77 ಲಕ್ಷ ರೂ.ಸಂಗ್ರಹವಾಗಿತ್ತು.

ತಹಶೀಲ್ದಾರ್ ಮಂಜುನಾಥ ಸ್ವಾಮಿ ಭೋಗಾವತಿ ನೇತೃತ್ವದಲ್ಲಿ ಬ್ಯಾಂಕ್ ಅಧಿಕಾರಿಗಳು, ಪೊಲೀಸ್, ಕಂದಾಯ ಇಲಾಖೆಯ ಅಧಿಕಾರಿಗಳು ಭಕ್ತರು ಸಮ್ಮುಖದಲ್ಲಿ ಹುಂಡಿಯನ್ನು ಎಣಿಕೆ ಮಾಡಲಾಗಿದೆ. ಒಂದು ವಿದೇಶಿ ನೋಟು (ಯುಎಸ್ಎ) ಮತ್ತು ಎಂಟು ವಿದೇಶಿ ನಾಣ್ಯ (ಯುಕೆ, ಜಪಾನ್, ಯುಎಇ, ಮಲೇಷ್ಯ, ನೇಪಾಳ, ಸೌತ್ ಕೊರಿಯ) ಹುಂಡಿಯಲ್ಲಿ ಸಂಗ್ರಹವಾಗಿರುತ್ತದೆ.

ಈ ಸಂದರ್ಭದಲ್ಲಿ ಗ್ರೇಡ್2 ತಹಸೀಲ್ದಾರ್ ಮಹಾಂತಗೌಡ ಗೌಡರ,ಶಿರಸ್ತೆದಾರ ರವಿಕುಮಾರ ನಾಯಕವಾಡಿ, ಮೈಬೂಬಅಲಿ, ಕೃಷ್ಣವೇಣಿ, ಕಂದಾಯ ನಿರೀಕ್ಷಕರಾದ ಮಂಜುನಾಥ ಹಿರೇಮಠ್ ,ಮಹೇಶ್ ದಲಾಲ ತಹಶೀಲ್ ಕಾರ್ಯಾಲಯದ ಸಿಬ್ಬಂದಿಗಳಾದ ಶ್ರೀಕಂಠ, ಗುರುರಾಜ, ಇಂದಿರಾ ,ಮಂಜುನಾಥ , ಅನ್ನಪೂರ್ಣ ಕವಿತಾ, ಪೂಜಾ, ಸುಧಾ, ಗಂಗಾವತಿ,ವೆಂಕಟಗಿರಿ ,ಮರಳಿ ಗ್ರಾಮ ಆಡಳಿತ ಅಧಿಕಾರಿಗಳು , ಗ್ರಾಮ ಸಹಾಯಕರು, ಹಾಗೂ ಪಿ ಕೆ ಜಿ ಬಿ ಸಣಾಪೂರ ಬ್ಯಾಂಕ್ ಸಿಬ್ಬಂದಿಗಳಿದ್ದರು.