Koppala: ಬಿಜೆಪಿಯದ್ದು ಒಂದು ನಾಟಕ ಕಂಪನಿ…: ಸಚಿವ ಶಿವರಾಜ ತಂಗಡಗಿ

Team Udayavani, Dec 7, 2024, 2:15 PM IST

ಕೊಪ್ಪಳ: ಬಿಜೆಪಿಯದ್ದು ಒಂದು ನಾಟಕ ಕಂಪನಿ. ವಕ್ಪ್ ವಿಚಾರದಲ್ಲಿ ಎರಡು ಬಣ ಮಾಡಿಕೊಂಡು ಬೀದಿ ಬೀದಿ ಅಲೆಯುತ್ತಿದ್ದಾರೆ. ಅದನ್ನು ಬಿಟ್ಟು ಸದನದಲ್ಲಿ ಚರ್ಚೆ ಮಾಡಲಿ ಎಂದು ನಗರದಲ್ಲಿ ಸಚಿವ ಶಿವರಾಜ ತಂಗಡಗಿ ಹೇಳಿದರು.

ಶನಿವಾರ (ಡಿ.12) ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಬಿಜೆಪಿ ಅವಧಿಯಲ್ಲಿಯೇ ನಾಲ್ಕು ನೂರಕ್ಕೂ ಹೆಚ್ಚು ನೋಟಿಸ್ ನೀಡಿದ್ದಾರೆ. ಅದರ ಬಗ್ಗೆ ಬಿಜೆಪಿಯ ನಾಯಕರು ಏಕೆ ಮಾತನಾಡುತ್ತಿಲ್ಲ. ಅವಾಗ ಹೊಟ್ಟೆಗೇನು ತಿನ್ನುತ್ತಿದ್ದರು? ಬಿಜೆಪಿಯವರಿಗೆ ರೈತರ ಬಗ್ಗೆ ಯಾವುದೇ ಕಾಳಜಿ ಇಲ್ಲ. ಅವರು ಯಾವುದೇ ಅಧಿವೇಶನದಲ್ಲಿ ರೈತರ ಬಗ್ಗೆ ಚರ್ಚೆ ಮಾಡಿಲ್ಲ. ನಮ್ಮದು ಲ್ಯಾಂಡ್ ಜಿಹಾದ್ ಇಲ್ಲ ಯಾವುದೇ ಜಿಹಾದೂ ಇಲ್ಲ ಎಂದರು.

ಅಧಿಕಾರ ಹಂಚಿಕೆ ಬಗ್ಗೆ ಮಾತನಾಡಿದ ತಂಗಡಗಿ, ನಮ್ಮ ಪಕ್ಷದ ಆಂತರಿಕ ವಿಚಾರ. ಅದರ ಬಗ್ಗೆ ಮಾತಾಡುವಷ್ಟು ದೊಡ್ಡವನು ನಾನಲ್ಲ. ದೊಡ್ಡವರ ನಡುವೆ ನಡೆದಿರುವ ಚರ್ಚೆ ಬಗ್ಗೆ ನಮಗೆ ಗೊತ್ತಿಲ್ಲ ಎಂದರು.

ನಿಖಿಲ್ ಗೆ ಅಸಹ್ಯ ಮಾಡಲು ಜೆಡಿಎಸ್ ಸಮಾವೇಶ ಮಾಡುತ್ತಿದೆ. ಯಾಕೆ ಸೋತ ಎಂದು ಚಿಂತಿಸಲು ಸಭೆ ಮಾಡಲಿ. ಸಮಾವೇಶ ಮಾಡುವ ಅವಶ್ಯಕತೆ ಏನಿದೆ ಎಂದು ಸಚಿವ ಶಿವರಾಜ್ ತಂಗಡಗಿ‌ ಟೀಕಿಸಿದರು.