ಕೊಪ್ಪಳದ ಬಿ ಟಿ ಪಾಟೀಲ್ ನಗರದ ವ್ಯಕ್ತಿಗೆ ಸೋಂಕು:  ಸೀಲ್ ಡೌನ್ ಗೆ ತಯಾರಿ

Team Udayavani, May 31, 2020, 3:44 PM IST

ಕೊಪ್ಪಳ: ವ್ಯಕ್ತಿಯೋರ್ವನು ರಾಯಚೂರು ಜಿಲ್ಲೆಯಿಂದ ಕೊಪ್ಪಳಕ್ಕೆ ಬಂದು ಬೆಂಗಳೂರಿಗೆ ಪ್ರಯಾಣ ಮಾಡಿದ್ದು ಅಲ್ಲಿ ಆತನಿಗೆ ಸೋಂಕು ದೃಢಪಟ್ಟ ಹಿನ್ನೆಲೆಯಲ್ಲಿ ಕೊಪ್ಪಳದ ಬಿ ಟಿ ಪಾಟೀಲ್ ನಗರ ಜಿಲ್ಲಾಡಳಿತ ಸೀಲ್ ಡೌನ್ ಮಾಡಲು ತಯಾರಿ ನಡೆಸಿದ ಮಾಹಿತಿ ಲಭ್ಯವಾಗಿದೆ.

ಈಗಾಗಲೇ ಬಿ ಟಿ ಪಾಟೀಲ್ ನಗರದ ವಿವಿಧ ರಸ್ತೆಗಳ ಸಂಚಾರ ಬಂದ್ ಮಾಡಿದ್ದು, ರಸ್ತೆಗಳಲ್ಲಿ ಔಷಧಿ ಸಿಂಪರಣೆ ಮಾಡುವ ಕಾರ್ಯ ನಡೆದಿದೆ.

ಸೋಂಕಿತನು ಬಿ ಟಿ ಪಾಟೀಲ್ ನಗರದಲ್ಲಿ ವಾಸ್ತವ್ಯ ಮಾಡಿ ತೆರಳಿದ್ದಾನೆ. ಹಾಗಾಗಿ ಸೋಂಕಿತನ ಪ್ರಾಥಮಿಕ ಸಂಪರ್ಕಕ್ಕೆ ಬಂದಿರುವ ಹಾಗೂ ದ್ವಿತೀಯ ಸಂಪರ್ಕಿತ ವ್ಯಕ್ತಿಗಳ ಪತ್ತೆ ಕಾರ್ಯವು ನಡೆದಿದೆ.

ಸಂಜೆ 4 ಗಂಟೆಯ ನಂತರ ಜಿಲ್ಲಾಡಳಿತ ಸಂಪರ್ಕಿತರ ಸಂಖ್ಯೆ ಘೋಷಣೆ ಮಾಡುವ ಸಾಧ್ಯತೆ ಇದೆ.‌ ಶ್ರೀಮಂತ ವರ್ಗ, ಡಾಲರ್ಸ್ ಕಾಲೋನಿ ಎಂದೇ ಖ್ಯಾತಿ ಪಡೆದ ಬಿ ಟಿ ಪಾಟೀಲ್ ನಗರದಲ್ಲಿನ  ಸೋಂಕು ಸ್ಥಳೀಯ ಜನರಲ್ಲಿ ಆತಂಕ ತಂದಿಟ್ಟಿದೆ.