ಕುಷ್ಟಗಿ: ಬಿಡಾಡಿ ದನಕ್ಕೆ ಚರ್ಮಗಂಟು ರೋಗ; ಇತರ ಜಾನುವಾರುಗಳಿಗೂ ಹರಡುವ ಭೀತಿ

Team Udayavani, Dec 19, 2022, 9:12 AM IST

ಕುಷ್ಟಗಿ: ಪಟ್ಟಣದ ಬಿಡಾಡಿ ದನಕ್ಕೆ ಚರ್ಮಗಂಟು ರೋಗ (ಲಂಪಿಸ್ಕಿನ್) ಅಂಟಿದ್ದು, ಸಕಾಲಿಕ ಚಿಕಿತ್ಸೆ ಇಲ್ಲದೇ ಬೀದಿಯಲ್ಲಿ ತಿರುಗಾಡುತ್ತಿದ್ದು, ಇದರಿಂದ ಇತರೇ ಜಾನುವಾರುಗಳಿಗೆ ಹರಡುವ ಭೀತಿ ಸಾರ್ವಜನಿಕವಾಗಿ ವ್ಯಕ್ತವಾಗಿದೆ.

ಬಿಡಾಡಿ ಹಸುವಿಗೆ ಚರ್ಮಗಂಟು ರೋಗ ವ್ಯಾಪಿಸಿದೆ. ಹಸುವಿನ ಚರ್ಮದ ಮೇಲೆ ಗುಳ್ಳೆ ಒಡೆದು ರಕ್ತ ಕೀವು ಸೋರುತ್ತಿದ್ದು, ನರಕಯಾತನೆ ಅನುಭವಿಸುತ್ತಿದೆ. ರೋಗ ಪೀಡಿತ ಈ ಹಸು ಒಂದೆಡೆ ನಿಲ್ಲದೇ ಅಲೆದಾಡುತ್ತಿದೆ. ಈ ಹಸುವಿನಿಂದ ಬೇರೆ ಜಾನುವಾರುಗಳಿಗೆ ಈ ಸಾಂಕ್ರಮಿಕ ರೋಗ ಹಬ್ಬುವ ಭೀತಿಯಾಗಿದೆ.

ಸಾಕು ಜಾನುವಾರು ಆಗಿದ್ದಲ್ಲಿ ರೈತರು ಚಿಕಿತ್ಸೆಗೆ ಮುಂದಾಗುತ್ತಿದ್ದರೂ ಆದರೆ ಈ ಜಾನುವಾರುಗಳಿಗೆ ಪಶು ಇಲಾಖೆಯೇ ಚಿಕಿತ್ಸೆಗೆ ಮುಂದಾಗಬೇಕಿದೆ. ಕುಷ್ಟಗಿಯ ಪಶು ವೈದ್ಯ ಡಾ. ಸಂತೋಷ ಅವರ ಗಮನಕ್ಕೆ ತಂದಾಗ ಸ್ಪಂದಿಸಿದ ಅವರು, ಸದ್ಯ ಹನುಮನಾಳ ಭಾಗದಲ್ಲಿ ಜಾನುವಾರುಗಳ‌ ಚಿಕಿತ್ಸೆಗೆ ಹೋಗಿದ್ದು, ರೋಗ ಬಾಧೆ ಹಸುವಿಗೆ ಮಧ್ಯಾಹ್ನದ ವೇಳೆಗೆ ಆಗಮಿಸಿ ಸೂಕ್ತ ಚಿಕಿತ್ಸೆ ನೀಡುವ ಭರವಸೆ ನೀಡಿದ್ದಾರೆ.