Kushtagi: ತಹಶೀಲ್ದಾರ್ ಕಚೇರಿ ಮುಖ್ಯದ್ವಾರಕ್ಕೆ ಬಣ್ಣ ಹಚ್ಚಿ ಸೈ‌ ಎನಿಸಿಕೊಂಡ ತಹಶೀಲ್ದಾರ್

Team Udayavani, Oct 30, 2023, 10:31 AM IST

ಕುಷ್ಟಗಿ: ಕನ್ನಡ ರಾಜ್ಯೋತ್ಸವ ಪ್ರಯುಕ್ತ ತಾಲೂಕಾಡಳಿತ ಶಕ್ತಿ ‌ಕೇಂದ್ರ ತಹಶೀಲ್ದಾರ್ ಕಚೇರಿಯಲ್ಲೂ ಕನ್ನಡ ಸಂಭ್ರಮದ ಸಿದ್ದತೆ ನಡೆದಿವೆ.‌

ಕಳೆದ ಭಾನುವಾರ(ಆ.29) ರಾತ್ರಿ ತಹಶೀಲ್ದಾರ್ ಕಚೇರಿ ಮುಖ್ಯದ್ವಾರಕ್ಕೆ ಬಣ್ಣ ಹಚ್ಚುವ ಸಂದರ್ಭದಲ್ಲಿ ಬಣ್ಣ ಹಚ್ಚುವವರೊಂದಿಗೆ ತಹಶೀಲ್ದಾರ ಶ್ರುತಿ ಮಳ್ಳಪ್ಪಗೌಡ್ರು ಸಹ ಬ್ರಷ್ ಹಿಡಿದು ಬಣ್ಣ ಹಚ್ಚಿ ಗಮನ ಸೆಳೆದರು.

ನ.1ರ ಕನ್ನಡ ರಾಜ್ಯೋತ್ಸವ ಹಿನ್ನೆಲೆ ಕನ್ನಡ ಸಂಭ್ರಮದ ತಯಾರಿ ನಡೆದಿವೆ. ಈ ಸಂದರ್ಭದಲ್ಲಿ ತಹಶೀಲ್ದಾರ್ ಕಚೇರಿಯ ಮುಖ್ಯದ್ವಾರ ಹಾಗೂ ಗೋಡೆ ಬಣ್ಣ ಮಾಸಿತ್ತು. ಇದನ್ನು ಗಮನಿಸಿ ತಹಶೀಲ್ದಾರ್ ಶ್ರುತಿ ಮಳ್ಳಪ್ಪಗೌಡ್ರು, ಬಣ್ಣ ಹಚ್ಚವವರಿಗೆ ಸೂಚಿಸಿದ್ದರು.

ಬಣ್ಣ ಹಚ್ಚುವ ಪ್ರಕ್ರಿಯೆ ಪರಿಶೀಲನೆ ವೇಳೆ ತಾವು ಬ್ರಷ್ ‌ಹಿಡಿದು ಹಚ್ಚಲು‌ ನಿರತರಾಗಿರುವುದು ಕಂಡು ಬಂತು. ಈ ವೇಳೆ ಅಲ್ಲಿದ್ದವರು ವಿಡಿಯೋ ಮಾಡಿದ್ದು ಆ ವಿಡಿಯೋ ವೈರಲ್ ಆಗಿದೆ.

ಕನ್ನಡ ರಾಜ್ಯೋತ್ಸವ ಹಿನ್ನೆಲೆಯಲ್ಲಿ ತಮ್ಮ‌ ಕಚೇರಿ ಸಾರ್ವಜನಿಕರಿಗೆ ಕನ್ನಡ ಹಬ್ಬದ ಸಂಭ್ರಮ ಗೊತ್ತುಪಡಿಸಲು ತಹಶೀಲ್ದಾರ್ ನಡೆ ಸಾರ್ವಜನಿಕರಲ್ಲಿ ‌ಮೆಚ್ಚುಗೆ ವ್ಯಕ್ತವಾಗಿದೆ.