ಭಾರಿ ಮಳೆ: ತುಂಬಿದ ಕುಷ್ಟಗಿ ನಿಡಶೇಷಿ ಕೆರೆ

Team Udayavani, Oct 6, 2019, 2:34 PM IST

ಕೊಪ್ಪಳ: ಶನಿವಾರ ರಾತ್ರಿ ಸುರಿದ ಧಾರಾಕಾರ ಮಳೆಗೆ ಕುಷ್ಟಗಿ ತಾಲೂಕಿನ ನಿಡಶೇಷಿ ಕೆರೆಗೆ ಒಳ ಹರಿವು ಹೆಚ್ಚಾಗಿದೆ. ಮಳೆಯ ಕೊರತೆಯಿಂದ ಬಿಕೋ ಎನ್ನುತ್ತಿದ್ದ ಕೆರೆಗೆ ನೀರು ಬರುತ್ತಿದ್ದು, ಜನರಲ್ಲಿ ಸಂತಸ ಮೂಡಿದೆ.

ಯಲಬುರ್ಗಾ ತಾಲೂಕಿನ ವ್ಯಾಪ್ತಿಯಲ್ಲಿ ಮಳೆ ಹೆಚ್ಚಾಗಿರುವ ಕಾರಣ, ಹಿರೆಬನ್ನಿಗೋಳ, ಯಲಬುರ್ತಿ ಮಾರ್ಗವಾಗಿ ಹಳ್ಳ ನಿಡಶೇಷಿ ಕೆರೆ ಸೇರುತ್ತಿದ್ದು ಕೆರೆ ಪಾತ್ರದಲ್ಲಿ ನೀರು ಸಂಗ್ರಹವಾಗುತ್ತಿದೆ.

ಕಳೆದ ಫೆಬ್ರವರಿ ತಿಂಗಳಿನಲ್ಲಿ ಸಾರ್ವಜನಿಕರ ಸಹಭಾಗಿತ್ವದಲ್ಲಿ  ನೀಡಶೇಷಿ ಕೆರೆಯ ಹೂಳೆತ್ತುವ ಮೂಲಕ ಕೊಪ್ಪಳ ಗವಿಶ್ರೀಗಳು ಚಾಲನೆ ನೀಡಿದ್ದರು. 77 ದಿನಗಳವರೆಗೆ ಕೆಲಸ ನಡೆದಿತ್ತು.

ಬರಿದಾದ ಕೆರೆಗೆ ವರುಣನ ಕೃಪೆಯಿಂದ ನೀರು ತುಂಬಿಕೊಳ್ಳುತ್ತಿದೆ. ಕೆರೆಗೆ ನೀರಿನ ಹರಿವು ನೋಡಲು ತಂಡೋಪ ತಂಡವಾಗಿ ಜನ ಧಾವಿಸುತ್ತಿದ್ದಾರೆ.