ಹಿಪ್ನಾಟಿಸಂ ಮೂಲಕ ಮಹಿಳೆಯ ಹಣ ದೋಚಿದ ವ್ಯಕ್ತಿಯ ಬಂಧನ

Team Udayavani, Mar 10, 2022, 12:15 PM IST

ಗಂಗಾವತಿ: ಹಿಪ್ನಾಟಿಸಂ ಮೂಲಕ ಮಹಿಳೆಯಿಂದ 40 ಸಾವಿರ ಹಣ ದೋಚಿದ ವ್ಯಕ್ತಿಯನ್ನು ನಗರ ಠಾಣೆಯ ಪೊಲೀಸರು ಬಂಧಿಸಿದ್ದಾರೆ.

ನಂದ ಕುಮಾರ್ ಬಂಧಿತ ಆರೋಪಿ. ನಗರದ ಆನೆಗೊಂದಿ ರಸ್ತೆಯಲ್ಲಿರುವ ಮುಖಂಡರು ಕಾಂಗ್ರೆಸ್ ಪಕ್ಷದ ಹಿರಿಯ ಮುಖಂಡ ಚಕ್ರವರ್ತಿ ನಾಯಕ್ ಇವರ ಮನೆಯಲ್ಲಿ ಯಾರೂ ಇಲ್ಲದ ಸಂದರ್ಭದಲ್ಲಿ ಚಕ್ರವರ್ತಿ ನಾಯಕ್ ಅವರ ಪತ್ನಿ ಸರೋಜಮ್ಮ ಬಳಿ ಹೋಗಿ ಹಣೆಗೆ ವಿಭೂತಿ ಹಚ್ಚಿ ಹಿಪ್ನಾಟಿಸಂ ಮಾಡಿ ಅವರಿಗೆ ತಿಳಿಯದಂತೆ ಅವರ ಬಳಿಯಲ್ಲಿದ್ದ 40 ಸಾವಿರ ರೂ. ಹಣವನ್ನು ದೋಚಿ ಪರಾರಿಯಾಗಿದ್ದ.

ಪ್ರಕರಣ ಕುರಿತು ಚಕ್ರವರ್ತಿ ನಾಯಕ್ ಹಾಗೂ ಅವರ ಪತ್ನಿ ಸರೋಜಮ್ಮ ನಗರ ಠಾಣೆಯಲ್ಲಿ ನಂದಕುಮಾರ್ ಇವರ ಬಗ್ಗೆ ಮಾಹಿತಿ ಸಂಗ್ರಹಿಸಿ ಕೇಸ್ ದಾಖಲಿಸಿದ್ದರು.

ಇದನ್ನೂ ಓದಿ:ಗೋವಾಕ್ಕೆ ಶಾಸಕರ ರಕ್ಷಣೆಗೆ ಸೂತ್ರಧಾರರನ್ನು ಕಳಿಸಿದ್ದಾರಲ್ಲ : ಎಚ್ ಡಿಕೆ ವ್ಯಂಗ್ಯ

ಪೊಲೀಸರು ಚಕ್ರವರ್ತಿ ನಾಯಕ್ ಹಾಗೂ ಅವರ ಆಪ್ತರ ನೆರವಿನಿಂದ ನಂದಕುಮಾರ್ ಅವರನ್ನು ಬಂಧಿಸಿದ್ದು, ಬಂಧಿತ ವ್ಯಕ್ತಿ ನಗರದ ಲಾಡ್ಜ್ ವೊಂದರಲ್ಲಿ ಜ್ಯೋತಿಷ್ಯಾಲಯವನ್ನು ನಡೆಸುತ್ತಿದ್ದು ಅನೇಕರಿಗೆ ವಂಚನೆ ಮಾಡಿದ್ದಾರೆ ಎನ್ನಲಾಗುತ್ತಿದೆ.

ಬಂಧಿತ ನಂದಕುಮಾರ್ ವಿರುದ್ಧ ವಂಚನೆ ಪ್ರಕರಣ ದಾಖಲಾಗಿದ್ದು, ಇಂಥ ಅನೇಕ ಜನರಿಗೆ ಈ ವ್ಯಕ್ತಿ ಮೋಸ ಮಾಡಿರುವ ಕುರಿತು ದೂರಿನಲ್ಲಿ ವಿವರಿಸಲಾಗಿದೆ ಎಂದು ಪೊಲೀಸ್ ಮೂಲಗಳು ಉದಯವಾಣಿಗೆ ತಿಳಿಸಿವೆ.