ಗಂಗಾವತಿ: ಗ್ರಾಮ ದೇವತೆ ದುರ್ಗಮ್ಮ ಜಾತ್ರೆ; ಕುಂಭ ಹೋರುವ ಸುಮಂಗಲಿಯರಿಗೆ ಸೀರೆಗಳ ವಿತರಣೆ

Team Udayavani, Dec 13, 2022, 2:44 PM IST

ಗಂಗಾವತಿ: ಗ್ರಾಮದೇವತೆ ಶ್ರೀ ದುರ್ಗಮ್ಮ ದೇವಿ ಜಾತ್ರಮಹೋತ್ಸವದ ಕಾರ್ಯಕ್ರಮ ಡಿ.20-24 ವರೆಗೆ ಜರುಗಲಿದ್ದು, ಕುಂಭ ಹೋರುವ ಸುಮಂಗಲಿಯರಿಗೆ ಮಾಜಿ ಸಚಿವ ಎಂ.ಮಲ್ಲಿಕಾರ್ಜುನ ನಾಗಪ್ಪ ಅವರ ಪತ್ನಿ ಎಂ.ಸರೋಜಮ್ಮ 301 ಸೀರೆಗಳನ್ನು ದೇಣಿಗೆ ನೀಡಿದ್ದಾರೆ.

ಮಂಗಳವಾರ ಸೀರೆಗಳನ್ನು ಕುಂಭ‌ ಹೋರುವ ಮಹಿಳೆಯರಿಗೆ ವಿತರಿಸುವ ಕಾರ್ಯಕ್ರಮ ಜರುಗಿತು. ಸರೋಜಮ್ಮ ಹಾಗೂ ಸಂಧ್ಯಾ ಶ್ರೀನಾಥ ಮಾತನಾಡಿ, ಗ್ರಾಮದೇವತೆ ಜಾತ್ರೆ ಭಕ್ತಿ ಶ್ರದ್ಧೆಯಿಂದ ಜರುಗಲಿದ್ದು, ಸರ್ವರೂ ಬಂಧುಗಳ ಜತೆ ಪಾಲ್ಗೊಳ್ಳಬೇಕೆಂದರು.

ಡಿ. 20 ರಿಂದ 24ರ ವರೆಗೆ ಗ್ರಾಮ ದೇವತೆ ದುರ್ಗಮ್ಮ ಜಾತ್ರಾ ಮಹೋತ್ಸವ, ಧಾರ್ಮಿಕ ಕಾರ್ಯಕ್ರಮಗಳು ದೇವಸ್ಥಾನದಲ್ಲಿ ಆರಂಭವಾಗಿದ್ದು, ಇಡೀ ಗ್ರಾಮವನ್ನು ಅಲಂಕರಿಸಲಾಗಿದೆ. ದೇವಾಲಯಕ್ಕೆ ಸುಣ್ಣಬಣ್ಣದ ಅಲಂಕಾರ ಮಾಡಲಾಗಿದೆ. ಮಹಿಳಾ ಮುಖಂಡರಾದ ಅನ್ನಪೂರ್ಣ ಸಿಂಗ್, ಗೀತಾ, ರಾಧಮ್ಮ, ಪಕೀರಮ್ಮ ಇತರರಿದ್ದರು.