ಮಂಡ್ಯದಲ್ಲಿ 2 ಕೋಟಿ ರೂ. ಮನೆ ಖರೀದಿಸಿದ ಕಾಂಗ್ರೆಸ್‌ ಅಭ್ಯರ್ಥಿ

Team Udayavani, Mar 20, 2024, 11:14 PM IST

ಮಂಡ್ಯ: ರಾಜ್ಯದಲ್ಲೇ ಗಮನ ಸೆಳೆದಿರುವ ಮಂಡ್ಯ ಲೋಕಸಭಾ ಕ್ಷೇತ್ರದ ಕಾಂಗ್ರೆಸ್‌ ಅಭ್ಯರ್ಥಿ ವೆಂಟರಮಣೇಗೌಡ (ಸ್ಟಾರ್‌ ಚಂದ್ರು) ಬಿರುಸಿನ ಪ್ರಚಾರ ನಡೆಸುತ್ತಿದ್ದು, ಇದೀಗ ನಗರದಲ್ಲಿ 2 ಕೋಟಿ ರೂ. ಮೌಲ್ಯದ 2 ಅಂತಸ್ತಿನ ಮನೆಯನ್ನು ಖರೀದಿಸಿ ಬುಧವಾರ ಹೋಮ ಹವನ ನಡೆಸಿ, ಗೃಹ ಪ್ರವೇಶಿಸಿದರು. ಈ ಕುರಿತು ಪ್ರತಿಕ್ರಿಯಿಸಿರುವ ಸ್ಟಾರ್‌ ಚಂದ್ರು, ಜನರ ಸಮಸ್ಯೆ ಆಲಿಸಲು ಮನೆ ಖರೀದಿಸಿದ್ದು, ನಾನು ಇಲ್ಲಿಯೇ ವಾಸವಿರುತ್ತೇನೆ ಎಂದು ತಿಳಿಸಿದ್ದಾರೆ. ಈ ವೇಳೆ ಸಚಿವ ಎನ್‌. ಚಲುವರಾಯಸ್ವಾಮಿ, ಶಾಸಕರು ಉಪಸ್ಥಿತರಿದ್ದರು.

ಮನೆ ಮಾಡುತ್ತೇನೆಂದಿದ್ದ ನಿಖಿಲ್‌, ಸುಮಲತಾ 2019ರ ಲೋಕಸಭಾ ಚುನಾವಣೆಯಲ್ಲಿ ಮೈತ್ರಿ ಅಭ್ಯರ್ಥಿ ನಿಖಿಲ್‌ ಕುಮಾರಸ್ವಾಮಿ ಹಾಗೂ ಪಕ್ಷೇತರ ಅಭ್ಯರ್ಥಿಯಾಗಿದ್ದ ಸುಮಲತಾ ಅಂಬರೀಷ್‌ ಅವರು ಮಂಡ್ಯದಲ್ಲಿ ಮನೆ ಮಾಡುವುದಾಗಿ ಘೋಷಿಸಿದ್ದರು.

ಈ ಚುನಾವಣೆಯಲ್ಲಿ ನಿಖಿಲ್‌ ಸೋಲು ಕಂಡರು. ಸಂಸದರಾದ ಸುಮಲತಾ ತಮ್ಮ ಪತಿ, ಮಾಜಿ ಸಚಿವ ಅಂಬರೀಷ್‌ ಬಾಡಿಗೆ ಪಡೆದಿದ್ದ ಮನೆಯನ್ನೇ ಮುಂದುವರಿಸಿದ್ದರು.