ಕೊಲೆ ಆರೋಪಿ ಕಳವು ಮಾಡಿದ್ದ ಚಿನ್ನಾಭರಣ ವಶ

Team Udayavani, Dec 24, 2022, 3:51 PM IST

ಮದ್ದೂರು: ಗಿರಿವಿ ಅಂಗಡಿ ಮಾಲಿಕನ ಪುತ್ರನನ್ನು ಬೆದರಿಸಿ ಚಿನ್ನಾಭರಣ ದೋಚಿ ಪರಾರಿ ಆಗಿದ್ದ ಕೋಲೆ ಪ್ರಕರಣ ಎದುರಿಸುತ್ತಿರುವ ಆರೋಪಿಯಿಂದ 307 ಗ್ರಾಂ ಚಿನ್ನಾಭರಣ, 2 ಲಕ್ಷ ರೂ. ನಗದನ್ನು ಮದ್ದೂರು ಪೊಲೀಸರು ವಶಪಡಿಸಿಕೊಂಡಿದ್ದಾರೆ.

ರಾಮನಗರ ಜಿಲ್ಲೆ, ಚನ್ನಪಟ್ಟಣ ತಾಲೂಕಿನ ಮುದಿಗೆರೆ ಗ್ರಾಮದ ಚರಣ್‌ ಮೇಲೆ ಚನ್ನಪಟ್ಟಣ ಗ್ರಾಮಾಂ ತರ ಠಾಣೆಯಲ್ಲಿ ಕೊಲೆ ಪ್ರಕರಣ ದಾಖಲಾಗಿದ್ದು, ರಾಮನಗರ ಜಿಲ್ಲಾ ಕಾರಾಗೃಹದಲ್ಲಿ ವಿಚಾರಣಾಧೀನ ಖೈದಿ ಆಗಿದ್ದಾನೆ. ಕಳವು ಪ್ರಕರಣ ಸಂಬಂಧ ಚರಣ್‌ನನ್ನು ಮದ್ದೂರು ಪೊಲೀಸ್‌ ವಶಕ್ಕೆ ಪಡೆದು, ವಿಚಾರಣೆಗೆ ಒಳಪಡಿಸಿ ದಾಗ ಕಳವು ಪ್ರಕರಣ ಬೆಳಕಿಗೆ ಬಂದಿದೆ. ಪಟ್ಟಣದ ಟೀಚರ್ ಕಾಲೋನಿ ಬಡಾವಣೆಯ ನಿವಾಸಿ ಖತರಾಂ ಚೌದರಿ ತಾಲೂಕಿನ ಕೆಸ್ತೂರು ಗ್ರಾಮ ದಲ್ಲಿ ಗಿರಿವಿ ಅಂಗಡಿಯನ್ನು ನಡೆಸು ತ್ತಿದ್ದು, ಗ್ರಾಹಕರಿಂದ ಚಿನ್ನಾಭರಣ ಅಡ ವಿಟ್ಟುಕೊಳ್ಳುತ್ತಿದ್ದರು. ಸುರಕ್ಷತೆ ದೃಷ್ಟಿಯಿಂದ ಆಭರಣಗಳನ್ನು ಮನೆ ಯಲ್ಲಿಟ್ಟುಕೊಳ್ಳುತ್ತಿದ್ದರು ಎನ್ನಲಾಗಿದೆ.

ಆರೋಪಿ ಚರಣ್‌ ಗಿರಿವಿ ಅಂಗಡಿ ಮಾಲಿಕನ ಪುತ್ರ ಸೂರಜ್‌ಚೌದರಿ ಅನ್ನು ಬೆದರಿಸಿ, ಮನೆಯಲ್ಲಿಟ್ಟಿದ್ದ ಆಭರಣ ತಂದುಕೊಡುವಂತೆ, ಇಲ್ಲವಾದಲ್ಲಿ ನಿಮ್ಮ ತಂದೆ, ಇತರರ ಮೇಲೆ ಹಲ್ಲೆ ಮಾಡುವುದಾಗಿ ಬೆದರಿಕೆ ಹಾಕಿದ್ದಾನೆ. ಹೀಗಾಗಿ ಗ್ರಾಹಕರಿಂದ ಗಿರಿವಿ ಇಟ್ಟುಕೊಂಡಿದ್ದ 87 ಚಿನ್ನದ ಪ್ಯಾಕೆಟ್‌ಅನ್ನು ಸೂರಜ್‌ ತಂದುಕೊಟ್ಟಿದ್ದಾನೆ. ಈ ಸಂಬಂಧ ಮದ್ದೂರು ಠಾಣೆಯಲ್ಲಿ ಅಂಗಡಿ ಮಾಲಿಕ ಪ್ರಕರಣ ದಾಖಲಿಸಿದ್ದರು.

ಆರೋಪಿ ಬಂಧಿಸಲು ವೃತ್ತ ನಿರೀಕ್ಷಕ ಎಸ್‌.ಸಂತೋಪ್‌, ಪಿಎಸ್‌ ಐಗಳಾದ ನರೇಶ್‌ಕುಮಾರ್‌, ಆರ್‌.ಬಿ. ಉಮೇಶ್‌, ಪಿ.ರವಿ ನೇತೃತ್ವದಲ್ಲಿ ತಂಡ ರಚಿಸಿ ಕಾರ್ಯಾಚರಣೆ ನಡೆಸಲಾಗು ತ್ತಿತ್ತು. ಈ ವೇಳೆ ಚನ್ನಪಟ್ಟಣ ಠಾಣೆಯಲ್ಲಿ ಕೊಲೆ ಪ್ರಕರಣದಲ್ಲಿ ಬಂಧಿತನಾಗಿದ್ದ ಚರಣ್‌ ಎಂಬಾತನೇ ಈ ಚಿನ್ನಾಭರಣ ಕಳವು ಮಾಡಿರುವುದು ಕಂಡು ಬಂದಿದೆ. ನಂತರ ವಶಕ್ಕೆ ಪಡೆದು ವಿಚಾರಣೆ ನಡೆಸಿ, ಕಳವಾದ ವಸ್ತುಗಳನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.