ಮಂಡ್ಯ: ಕೋವಿಡ್ ಗೆ ಮತ್ತೊಂದು ಸಾವು; 139ಕ್ಕೇರಿದ ಸಾವಿನ ಸಂಖ್ಯೆ; 165 ಹೊಸ ಪ್ರಕರಣ

Team Udayavani, Oct 23, 2020, 9:50 PM IST

ಸಾಂದರ್ಭಿ ಚಿತ್ರ

ಮಂಡ್ಯ: ಕೋವಿಡ್ ಸೋಂಕಿಗೆ ಶುಕ್ರವಾರ ಮತ್ತೊಂದು ಬಲಿಯಾಗಿದ್ದು, ಇದರೊಂದಿಗೆ ಜಿಲ್ಲೆಯಲ್ಲಿ ಸಾವಿನ ಸಂಖ್ಯೆ 139ಕ್ಕೆ ಏರಿಕೆಯಾಗಿದೆ. ಮಂಡ್ಯ ತಾಲೂಕಿನ 51 ವರ್ಷದ ಪುರುಷ ಸೋಂಕಿನ ಜತೆಗೆ ತೀವ್ರ ಉಸಿರಾಟದ ಸಮಸ್ಯೆ ಸೇರಿದಂತೆ ಇತರೆ ಆರೋಗ್ಯ ತೊಂದರೆಯಿಂದ ಬಳಲಿ ಚಿಕಿತ್ಸೆ ಫಲಿಸದೇ ಮೃತಪಟ್ಟಿದ್ದಾರೆ.

165 ಹೊಸ ಪ್ರಕರಣ: ಮಂಡ್ಯ 65, ಮದ್ದೂರು 17, ಮಳವಳ್ಳಿ 4, ಪಾಂಡವಪುರ 10, ಶ್ರೀರಂಗಪಟ್ಟಣ 23, ಕೆ.ಆರ್.ಪೇಟೆ 26 ಹಾಗೂ ನಾಗಮಂಗಲದ 20 ಮಂದಿಗೆ ಶುಕ್ರವಾರ ಸೋಂಕು ಆವರಿಸಿದೆ. ಇದರಿಂದ ಜಿಲ್ಲೆಯಲ್ಲಿ 15831 ಸೋಂಕಿನ ಪ್ರಕರಣಗಳು ದಾಖಲಾಗಿವೆ.

3081 ಮಂದಿಗೆ ಪರೀಕ್ಷೆ:  ಜಿಲ್ಲೆಯಲ್ಲಿ 3081 ಮಂದಿಗೆ ಕೋವಿಡ್ ಪರೀಕ್ಷೆ ನಡೆಸಲಾಗಿತ್ತು. ಇದರಲ್ಲಿ 1191 ರ‍್ಯಾಪಿಡ್ ಹಾಗೂ 1890 ಆರ್‌ಟಿಪಿಸಿಆರ್ ಪರೀಕ್ಷೆ ನಡೆಸಲಾಗಿದೆ. ಚಿಕಿತ್ಸೆ ಬಳಿಕ ಜಿಲ್ಲೆಯಲ್ಲಿ 199 ಜನರು ಸೋಂಕಿನಿಂದ ಚೇತರಿಸಿಕೊಂಡು ಶುಕ್ರವಾರ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ. ಇದುವರೆಗೂ 14114 ಜನರು ಚೇತರಿಸಿಕೊಂಡಿದ್ದಾರೆ. 1578 ಸಕ್ರಿಯ ಪ್ರಕರಣಗಳಿವೆ. ಈ ಪೈಕಿ 422 ಸರ್ಕಾರಿ ಆಸ್ಪತ್ರೆಯಲ್ಲಿ, 122 ಖಾಸಗಿ ಆಸ್ಪತ್ರೆಯಲ್ಲಿ, 329 ಕೋವಿಡ್ ಕೇರ್ ಸೆಂಟರ್‌ನಲ್ಲಿ ಹಾಗೂ 705 ಮಂದಿ ಮನೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ಜಿಲ್ಲಾ ಸರ್ವೇಕ್ಷಣಾಧಿಕಾರಿ ಡಾ.ಟಿ.ಎನ್.ಧನಂಜಯ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.