ರಸ್ತೆ ಅಪಘಾತ: ನಾಲ್ವರ ಸಾವು

Team Udayavani, Oct 3, 2018, 3:00 AM IST

ಮಂಡ್ಯ: ಲಾರಿಯೊಂದು ಚಾಲಕನ ನಿಯಂತ್ರಣ ತಪ್ಪಿ ಅಡ್ಡಾದಿಡ್ಡಿ ಚಲಿಸಿದ್ದರಿಂದ ಮಹಿಳೆಯೂ ಸೇರಿ ನಾಲ್ವರು ಸಾವಿಗೀಡಾದ ಘಟನೆ ನಗರದ ಗುತ್ತಲು ರಸ್ತೆಯಲ್ಲಿ ಮಂಗಳವಾರ ರಾತ್ರಿ ಸಂಭವಿಸಿದೆ.

ಎಳನೀರು ತುಂಬಿಕೊಂಡು ಕೆ.ಎಂ.ದೊಡ್ಡಿ ಕಡೆಯಿಂದ ಬಂದ ಲಾರಿ ಗುತ್ತಲು ರಸ್ತೆಯ ಮುನೀರ್‌ ಹೊಟೇಲ್‌ ಬಳಿ ಬಂದಾಗ ಏಕಾಏಕಿ ಪಾದಚಾರಿಗಳಿದ್ದ ಸ್ಥಳಕ್ಕೆ ನುಗ್ಗಿತು. ಬಳಿಕ ಬೈಕ್‌, ಸ್ಕೂಟರ್‌ಗೆ ಢಿಕ್ಕಿ ಹೊಡೆಯಿತು. ಗಿರಿಜಮ್ಮ, ರಾಹುಲ್‌, ರಫಿ, ಶಶಾಂಕ್‌ ಅಪಘಾತದಲ್ಲಿ ಸಾವಿಗೀಡಾದವರು. ನಟೇಶ್‌, ಕೋಕಿಲಾ, ವಿನಯ್‌, ರಿಜ್ವಾನ್‌, ಸೈಯದ್‌ ನ್ಯಾಮಕ್‌, ಜಮೀರ್‌ಖಾನ್‌ ಹಾಗೂ ಪ್ರಸನ್ನ ತೀವ್ರವಾಗಿ ಗಾಯಗೊಂಡಿದ್ದಾರೆ. ಈ ಪೈಕಿ ವಿನಯ್‌, ನಟೇಶ್‌ ಮತ್ತು ಕೋಕಿಲಾ ಅವರ ಸ್ಥಿತಿ ಗಂಭೀರವಾಗಿದ್ದು, ಬೆಂಗಳೂರು ನಿಮ್ಹಾನ್ಸ್‌ಗೆ ದಾಖಲಿಸಲಾಗಿದೆ. ಅಪಘಾತ ನಡೆಸಿ ಗಾಬರಿಗೊಂಡ ಲಾರಿ ಚಾಲಕ ಸ್ಥಳದಿಂದ ಪರಾರಿಯಾಗಿದ್ದಾನೆ. ಸ್ಥಳಕ್ಕೆ ಭೇಟಿ ನೀಡಿದ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.