75ರ ಸಂಭ್ರಮದಲ್ಲಿ ಹಿರಿಯ ರಾಜಕಾರಣಿ ಹೆಚ್. ವಿಶ್ವನಾಥ್

Team Udayavani, May 16, 2022, 1:29 PM IST

ಹುಣಸೂರು : ಹಿರಿಯ ರಾಜಕಾರಣಿ ಅಡಗೂರು ಹೆಚ್. ವಿಶ್ವನಾಥ್ ಅವರು ಸೋಮವಾರ 75 ನೇ ಜನ್ಮ ದಿನವನ್ನು ಆಚರಿಸಿಕೊಳ್ಳುತ್ತಿದ್ದಾರೆ.

ವಿಶ್ವನಾಥ್ ಅವರ ಅಭಿಮಾನಿ ಬಳಗ ಹಾಗೂ ಕುರುಬ ಸಮಾಜದ ವತಿಯಿಂದ ಮಾಜಿ ಸಚಿವ, ವಿಧಾನಪರಿಷತ್ ಸದಸ್ಯ, ರಾಜ್ಯ ಕಂಡ ಹಿರಿಯ ಮುತ್ಸದ್ದಿ ವಿಶ್ವನಾಥ್ ರವರ 75ರ ಸಂಭ್ರಮದ ಅಂಗವಾಗಿ ಅವರನ್ನು ಹುಣಸೂರಿನ ಕಲ್ಪತರು ಸರ್ಕಲ್ ನಿಂದ ಅಂಬೇಡ್ಕರ್ ಭವನದ ವರೆಗೆ ವಿವಿಧ ಕಲಾತಂಡಗಳೊಂದಿಗೆ ಅಭಿಮಾನಿಗಳು ಮೆರವಣಿಗೆ ಯಲ್ಲಿ ಕರೆದೊದೊಯ್ದರು.

ಇದಕ್ಕೂ ಮುನ್ನ ಅರಸು ಕಲ್ಲಹಳ್ಳಿಗೆ ತೆರಳಿ ಅರಸರ ಸಮಾಧಿಗೆ ಮಾಲಾರ್ಪಣೆ ಮಾಡಿ ಗೌರವ ಸಲ್ಲಿಸಿದರು. ನಂತರ ನಗರದ ಎಪಿಎಂಸಿ ಬಳಿಯ ಅರಸು ಪುತ್ಥಳಿಗೆ ಮಾಲಾರ್ಪಣೆ ಮಾಡಿದರು.

ಜನ್ಮ ದಿನಾಚರಣೆಯ ನಿಮಿತ್ತ ಅಭಿಮಾನಿಗಳು ವಿವಿಧ ಕಾರ್ಯಕ್ರಮಗಳನ್ನು ಹಮ್ಮಿಕೊಂಡಿದ್ದಾರೆ.