ಅಣ್ತತಮ್ಮರಿಂದ ಮತಯಾಚನೆ

Team Udayavani, Mar 24, 2017, 12:35 PM IST

ನಂಜನಗೂಡು: ಬಾಂಧವ್ಯದಲ್ಲಿ ಸಹೋದರರಾಗಿರುವ  ಸಂಸದ ಆರ್‌.ಧ್ರುವ ನಾರಾಯಣ ಹಾಗೂ ಕಾಂಗ್ರೆಸ್‌ ಅಭ್ಯರ್ಥಿ ಕಳಲೆ ಕೇಶವ ಮೂರ್ತಿ  ಜೋಡಿ ಗುರುವಾರ ನಂಜನಗೂಡು ವಿಧಾನ ಸಭಾ ಕ್ಷೇತ್ರದ ಹುಲ್ಲಹಳ್ಳಿ ಹಾಗೂ ಹುರಾ ಜಿಪಂ ವ್ಯಾಪ್ತಿಯ ಕುರಿಹುಂಡಿ, ಕಾರ್ಯ, ಕೂಗಲೂರು, ಕೊಂಗಳ್ಳಿ, ಮಲ್ಕುಂಡಿ,  ಹಾಡ್ಯ  ಸೇರಿದಂತೆ 20ಕ್ಕೂ ಹೆಚ್ಚು ಗಾ›ಮಗಳಲ್ಲಿ ಬೆಂಬಲಿಗರೊಂದಿಗೆ ಪಥ ಸಂಚಲನೆ ನಡೆಸಿ ಮನೆ ಮನೆಗೆ ತೆರಳಿ ಕಾಂಗ್ರೆಸ್‌ಗೆ ಮತ ನೀಡುವಂತೆ ಮನವಿ ಮಾಡಿದರು.

ನಾವು ಮಾಡುತ್ತಿರುವ ಅಭಿವೃದ್ಧಿ ಈಗ ನಿಮ್ಮ ಮುಂದಿದೆ ಇನ್ನೂ ಹೆಚ್ಚಿನ ಅಭಿವೃದ್ಧಿ ಸಾಧಿಸಿ ಕೊಡುತ್ತೇವೆ. ನಿಮಗೆಲ್ಲ ಚಿರಪರಿಚಿತರಾದ ಕೇಶವ ಮೂರ್ತಿ ಅವರಿಗೆ ಮತ ನೀಡಿ ಅವರನ್ನು ಗೆಲ್ಲಿಸಿ ಧ್ರುವ ನಾರಾಯಣ ಮನೆ ಮನೆಗೆ ತೆರಳಿ ಮನವಿ ಮಾಡಿದರು.

8 ವರ್ಷಗಳಿಂದ ಕಾಂಗ್ರೆಸ್‌ಗೆ ಮತ ನೀಡಿದ ನಿಮ್ಮೂರಿಗೆ ನಿಮ್ಮ ಮತ ಪಡೆದ ಶಾಸಕರು ಬಂದಿದ್ದರೆ ಇಲ್ಲಾ ಎಂದ ಧ್ರುವನಾರಾಯಣ  ಮತ ಪಡೆದ ಮೇಲೆ ನಿಮ್ಮ ಕಷ್ಟ ಸುಖ ವಿಚಾರಿಸದೇ ಇದ್ದವರ ಕೈ ಹಿಡಿಯುವ ಬದಲು ಸದಾ ನಿಮ್ಮೊಂದಿಗೆ ಇರುವ ನಮ್ಮ ಅಭ್ಯರ್ಥಿಗೆ ಮತ ನೀಡಿ ಎಂದರು.

ಮತಯಾಚನೆಗೆ ಬಂದ ಈ  ಸಹೋದರರ ಜೋಡಿಯನ್ನು ಎಲ್ಲಾ ಗ್ರಾಮಗಳಲ್ಲೂ ಜನತೆ ಆದರದಿಂದ ಸ್ವಾಗತಿಸಿ ಬರಮಾಡಿಕೊಂಡರು. ಜಿಲ್ಲಾ ಉಸ್ತು ವಾರಿ ಸಚಿವ ಡಾ ಎಚ್‌.ಸಿ ಮಹದೇವಪ್ಪ ಸಂಜೆ ಈ ಜೋಡಿ ಜತೆ ಸೇರಿಕೊಂಡು ಹುರ ಹಾಡ್ಯದತ್ತ ಪ್ರಯಾಣ ಬೆಳಸಿದರು.