ತಾಂಡವಪುರ ವ್ಯಾಪ್ತಿಯಲ್ಲಿ ಬಿ.ವೈ.ವಿಜಯೇಂದ್ರ ಪ್ರಚಾರ

Team Udayavani, Apr 11, 2018, 12:38 PM IST

ಮೈಸೂರು: ವರುಣಾ ವಿಧಾನಸಭಾ ಕ್ಷೇತ್ರದ ಬಿಜೆಪಿ ಸಂಭಾವ್ಯ ಅಭ್ಯರ್ಥಿ ಬಿ.ವೈ.ವಿಜಯೇಂದ್ರ ಅವರು ಮಂಗಳವಾರ ಕ್ಷೇತ್ರದ ತಾಂಡವಪುರ ಜಿಪಂ ಕ್ಷೇತ್ರ  ವ್ಯಾಪ್ತಿಯ ವಿವಿಧ ಗ್ರಾಮಗಳಲ್ಲಿ ಚುನಾವಣಾ ಪ್ರಚಾರ ನಡೆಸಿದರು. 

ಬೆಳಗ್ಗೆ ಸ್ಥಳೀಯ ಮುಖಂಡರೊಂದಿಗೆ ರಾಂಪುರಕ್ಕೆ ತೆರಳಿದ ವಿಜಯೇಂದ್ರ, ಗ್ರಾಮದ ರಾಮಲಿಂಗೇಶ್ವರ ದೇವಸ್ಥಾನ ದಲ್ಲಿ ಪೂಜೆ ಸಲ್ಲಿಸಿ, ರಾಂಪುರ ಗ್ರಾಮ ದಲ್ಲಿ ಮತಯಾಚನೆ ಮಾಡಿದರು. 

ನಂತರ ಗೌಡರಹುಂಡಿ, ಅಹಲ್ಯ, ಕೆಂಬಾಲು, ಬಿದರಗೂಡು, ಹಳ್ಳಿಕೆರೆಹುಂಡಿ, ಗೊದ್ದನಪುರ, ಮರಳೂರು, ಏಚಗಳ್ಳಿ, ಹಳ್ಳಿದಿಡ್ಡಿ, ತಾಂಡವಪುರ, ಹೆಬ್ಯಾ, ಅಡಕನಹಳ್ಳಿ ಹುಂಡಿ,  ಚಿಕ್ಕಯ್ಯನಛತ್ರ ಗ್ರಾಮಗಳಲ್ಲಿ ಪ್ರಚಾರ ನಡೆಸಿದರು. 

ಗ್ರಾಮಗಳಲ್ಲಿ ಮಂಗಳವಾದ್ಯ ಗಳೊಂದಿಗೆ ಬರಮಾಡಿಕೊಳ್ಳ ಲಾಯಿತು. ಬಿಜೆಪಿ ಮುಖಂಡರು ಗಳಾದ  ಅಶೋಕ್‌, ಅಪ್ಪಣ್ಣ, ರಘು ಕೌಟಿಲ್ಯ ಸೇರಿದಂತೆ ಹಲವರು ವಿಜಯೇಂದ್ರ ಜತೆಗಿದ್ದರು. ಸಂಜೆ ಮಲ್ಲನಮೂಲೆ ಮಠಕ್ಕೆ ತೆರಳಿ ಶ್ರೀಗಳ ಆಶೀರ್ವಾದಪಡೆದರು.