ನೀರಿನ ಸಂಪ್‌ಗೆ ಬಿದ್ದಿದ್ದ ಹಸು ರಕ್ಷಣೆ

Team Udayavani, Jul 7, 2018, 2:16 PM IST

ಎಚ್‌.ಡಿ.ಕೋಟೆ: ಮನೆ ನಿರ್ಮಾಣ ಮಾಡುವ ವೇಳೆ ನೀರು ಪೂರೈಕೆಗಾಗಿ ನಿರ್ಮಿಸಿದ್ದ ತೆರೆದ ನೀರಿನ ಸಂಪ್‌ಗೆ ಬಿದ್ದು ಹಸುವನ್ನು ಅಗ್ನಿ ಶಾಮಕ ಸಿಬ್ಬಂದಿ ಸಾರ್ವಜನಿಕರ ಸಹಾಯದಿಂದ ರಕ್ಷಿಸಿದರು.

ಪಟ್ಟಣದ ವಿಶ್ವನಾಥ ಕಾಲೋನಿ ನಿವಾಸಿ ಜಗದೀಶ್‌ ಮನೆ ನಿರ್ಮಿಸಲು ನೀರು ಪೂರೈಕೆಗಾಗಿ ತೆಗೆಸಿದ್ದ ನೀರಿನ ಸಂಪ್‌ ಮುಚ್ಚದೆ ಹಾಗೆ ಬಿಟ್ಟಿದ್ದರು. ಸ್ಥಳದಲ್ಲಿ ಮೇವು ಹರಸಿ ಹೋದ ಹಸುು ಸಂಪ್‌ಗೆ ಬಿದ್ದು ಮೇಲೆ ಬರಲಾರದೆ ರಾತ್ರಿಯೆಲ್ಲಾ ಸಂಪ್‌ನಲ್ಲೇ ಉಳಿದಿತ್ತು.

ಬೆಳಿಗ್ಗೆ ಅಕ್ಕಪಕ್ಕದ ನಿವಾಸಿಗಳು ಕಂಡು ಆಗ್ನಿಶಾಮಕ ಸಿಬ್ಬಂದಿಗೆ ವಿಷಯ ತಿಳಿಸಿದರು, ತಕ್ಷಣ ಸ್ಥಳಕ್ಕೆ ಬಂದ ಅಗ್ನಿಶಾಮಕ ಅಧಿಕಾರಿ ಮತ್ತು ಸಿಬ್ಬಂದಿ ಸಾರ್ವಜನಿಕರ ಸಹಾಯದಿಂದ ನೀರಿನ ಸಂಪ್‌ಗೆ ಬಿದ್ದಿದ್ದ ಹಸುವನ್ನು  ಮೇಲೆತ್ತಿ ಪಶು ಆಸ್ಪತ್ರೆ ವೈದ್ಯರಿಂದ ಚಿಕಿತ್ಸೆ ಕೊಡಿಸಿದರು.