ಭಿನ್ನಾಭಿಪ್ರಾಯ ಬೇಡ: ಬಿದರಿ

Team Udayavani, Dec 25, 2017, 6:05 AM IST

ಪಿರಿಯಾಪಟ್ಟಣ: ವೀರಶೈವ ಲಿಂಗಾಯಿತ ಎರಡೂ ಒಂದೇ ಎಂದು 2001ನೇ ಇಸವಿಯಲ್ಲಿ ಎಲ್ಲರೂ ಒಪ್ಪಿಕೊಂಡಿದ್ದಾರೆ. ಪ್ರತ್ಯೇಕ ಧರ್ಮದ ಅಗತ್ಯದಿಂದ ಲಿಂಗಾಯತ ಎಂಬ ಪದವನ್ನು ಒಪ್ಪಿಕೊಳ್ಳಲುವುದು ಒಳಿತು ಎಂದು ನಿವೃತ್ತ ಪೊಲೀಸ್‌ ಮಹಾನಿರ್ದೇಶಕ ಶಂಕರ ಬಿದರಿ ತಿಳಿಸಿದರು.

ಪಟ್ಟಣದ ಮಹದೇಶ್ವರ ದೇವಾಲಯದ ಆವರಣದಲ್ಲಿ ವೀರಶೈವ ಲಿಂಗಾಯತ ನೌಕರರ ಕ್ಷೇಮಾಭಿವೃದ್ಧಿ ಸಂಘದ ವತಿಯಿಂದ ನಡೆದ ಪ್ರತಿಭಾ ಪುರಸ್ಕಾರವನ್ನು ಉದ್ಘಾಟಿಸಿ ಮಾತನಾಡಿದರು. ಪ್ರತ್ಯೇಕ ಧರ್ಮ ದೊರೆತರೆ ಅಲ್ಪಸಂಖ್ಯಾತರು ಎಂಬುದರಡಿ ಅನೇಕ ಅವಕಾಶಗಳು ದೊರೆಯುತ್ತವೆ. ಘರ್ಷಣೆ ಮಾಡಿಕೊಳ್ಳದೆ ಲಿಂಗಾಯಿತ ಪದವನ್ನು ಒಪ್ಪಿಕೊಂಡು ಸವಲತ್ತು ಪಡೆಯಲು ಮುಂದಾಗಬೇಕು. ಎರಡು ಒಂದೇ ಎಂದು ಅಭಿನವ ಬಸವಣ್ಣ ಎಂದರೆ ಖ್ಯಾತರಾಗಿರುವ ಶಿವಕುಮಾರ ಸ್ವಾಮಿಗಳೇ ಹೇಳಿರುವಾಗ ಭಿನ್ನಾಭಿಪ್ರಾಯ ಬೇಡ ಎಂದು ತಿಳಿಸಿದರು.