ಹುಣಸೂರು : ಒಂಟಿ ಸಲಗದ ದಾಳಿಗೆ ಎರಡು ಟ್ರ್ಯಾಕ್ಟರ್ ಜಖಂ

Team Udayavani, Feb 14, 2021, 11:56 PM IST

ಹುಣಸೂರು : ಕಾಡಾನೆಗಳ ಹಿಂಡಿನಿಂದ ಬೇರ್ಪಟ್ಟ ಸಲಗ ಒಂಟಿ ಸಲಗ ಮನೆಯ ಮೇಲ್ಚಾವಣಿ ಕಿತ್ತು ಹಾಕಿದೆಯಲ್ಲದೆ ರೈಲ್ವೆ ಕಂಬಿ ಗೇಟ್ ಸಹ ಮುರಿದು ಹಾಕಿ, ಎರಡು ಟ್ರ್ಯಾಕ್ಟರ್ ಜಖಂಗೊಳಿಸಿದ ಘಟನೆ ನಾಗರಹೊಳೆ ರಾಷ್ಟ್ರೀಯ ಉದ್ಯಾನದಲ್ಲಿ ನಡೆದಿದೆ.

ನಾಗರಹೊಳೆ ಉದ್ಯಾನದಿಂದ ಹೊರ ಬಂದಿದ್ದ ಕಾಡಾನೆಗಳ ಹಿಂಡಿನಿಂದ ಬೇರ್ಪಟ್ಟ ಸಲಗವು ಕಾಡು ಸೇರಲು ದಾರಿಕಾಣದೆ ಓಡಾಟನ ನಡೆಸುತ್ತಿದ್ದದ್ದು ರೈತರ ಆಕ್ರೋಶಕ್ಕೆ ಗುರಿಯಾಗಿತ್ತು. ಮುದಗನೂರು ಬಳಿಯ  ಜಮೀನಿನಲ್ಲಿದ್ದ ಎರಡು ಟ್ರ್ಯಾಕ್ಟರ್ ಗಳ ಮೇಲೆ ದಾಳಿ ನಡೆಸಿ ಟ್ರ್ಯಾಕ್ಟರ್ ಮುಂಬಾಗ ಹಾನಿಗೊಳಿಸಿದೆಯಲ್ಲದೆ  ಚಿಕ್ಕ ಹೆಜ್ಜೂರಿನ ಮನೆಯೊಂದರ ಮೇಲ್ಚಾವಣಿ ಕಿತ್ತು ಆಕ್ರೋಶ ಹೊರ ಹಾಕಿದ್ದ ಸಲಗವನ್ನು  ಅರಣ್ಯ ಸಿಬ್ಬಂದಿಗಳು ಕಾಡಿಗಟ್ಟುವ ವೇಳೆ ಕೊಳವಿಗೆ ಬಳಿಯ ರಾಮಲಿಂಗೇಶ್ವರ ದೇವಾಲಯದ ಬಳಿಯ ರೈಲ್ವೆ ಕಂಬಿಯ ಗೇಟ್ ನ್ನು ಸಹ ಹಾಳುಗೆಡವಿ ಕಾಡು ಸೇರಿಕೊಂಡಿದೆ.