ಸಂಘದ ಅಭಿವೃದ್ಧಿಗೆ ಪ್ರತಿಯೊಬ್ಬರೂ ಕೈ ಜೋಡಿಸಿ

Team Udayavani, May 12, 2017, 12:25 PM IST

ಪಿರಿಯಾಪಟ್ಟಣ: ರೈತರು ಕೃಷಿಯೊಂದಿಗೆ ಹೈನುಗಾರಿಕೆಯಲ್ಲಿ ತೊಡಗಿಸಿಕೊಳ್ಳುವ ಮೂಲಕ ಆರ್ಥಿಕವಾಗಿ ಸ್ವಾವಲಂಬನೆ ಸಾಧಿಸುವಂತೆ ಅಲ್ಪ ನಾಯಕನ ಹಳ್ಳಿ ಹಾಲು ಉತ್ಪಾದಕರ ಸಹಕಾರ ಸಂಘದ ಅಧ್ಯಕ್ಷ ಶಿವಣ್ಣ ಹೇಳಿದರು.

ತಾಲೂಕಿನ ಅಲ್ಪ ನಾಯಕನಹಳ್ಳಿ ಗ್ರಾಮ ದಲ್ಲಿ ನೂತನ ಹಾಲು ಉತ್ಪಾದಕರ ಸಹಕಾರ ಸಂಘ ಉದ್ಘಾಟಿಸಿ ಮಾತನಾಡಿ, ಸಂಘದಲ್ಲಿ ಯಾವುದೇ ರಾಜಕೀಯ ಹಸ್ತಕ್ಷೇಪವಿಲ್ಲದೆ ಸಂಘದ ಅಭಿವೃದ್ಧಿಗೆ ಪ್ರತಿಯೊಬ್ಬರೂ ಕೈ ಜೋಡಿಸಬೇಕು ಎಂದರು.

ರಾಜ್ಯ ಸರ್ಕಾರವು ಹೈನುಗಾರಿಕೆಯಲ್ಲಿ ತೊಡಗುವ ರೈತರಿಗೆ ಹಾಗೂ ಕುಟುಂಬಗಳ ಅಭಿವೃದ್ಧಿಗಾಗಿ ಯಶಸ್ವಿನಿ, ಜನಸ್ನೇಹಿ ಯೋಜನೆ ಜಾರಿಗೆ ತಂದಿದ್ದು ಇದರ ಮೂಲಕ ರೈತನಿಗೆ ಅಪಘಾತ ಅವಘಡಗಳು ಸಂಭವಿಸಿದಾಗ ಈ ಯೋಜನೆ ಸಹಾಯಕ್ಕೆ ಬರುತ್ತದೆ ಹಾಗೂ ರೈತನ ಮಕ್ಕಳ ವಿದ್ಯಾಭ್ಯಾಸಕ್ಕಾಗಿ ವಾರ್ಷಿಕ ವಿದ್ಯಾರ್ಥಿ ವೇತನ ಸಹ ನೀಡುತ್ತಿದೆ. ರೈತರು ಡೇರಿ ಮೂಲಕ ಪಶು ಆಹಾರಗಳನ್ನು ಬಳಸಿಕೊಂಡು ಗುಣಮಟ್ಟದ ಹಾಲನ್ನು ಡೇರಿಗೆ ಮಾರಾಟ ಮಾಡಬೇಕು ಹಾಗೂ ಯಾವುದೇ ರೀತಿಯ ಕಲಬೆರಕೆ ಮಾಡಬಾರದು ಎಂದರು.

ಕಾರ್ಯದರ್ಶಿ ಅಭಿಜೀತ್‌, ಗ್ರಾಪಂ ಸದಸ್ಯ ಶಿವಣ್ಣ, ಗಂಗಮ್ಮ, ಮಾಜಿ ಸದಸ್ಯ ಮಹದೇವಯ್ಯ, ನಿರ್ದೇಶಕರಾದ ಮಹೇಶ್‌, ದೊಡ್ಡಯ್ಯ, ಮಹೇಶ್‌, ಬಸವ ರಾಜು, ನಾರಾಯಣ, ರುಕ್ಮಿàಣಿ, ಪುಟ್ಟಮ್ಮ, ಮಹೇಶ್‌, ಕಾಳಯ್ಯ, ರವೀಂದ್ರ, ವ್ಯವಸ್ಥಾಪಕ ಸಂತೋಷ್‌, ಸೋಮೇಗೌಡ ಹಾಜರಿದ್ದರು.