ಹುಣಸೂರು: ಪೊಲೀಸ್ ಠಾಣೆಯ ಮುಂದೆಯೇ ಗಂಧದ ಮರ ಕದ್ದ ಕಳ್ಳರು!

Team Udayavani, Nov 10, 2020, 8:44 AM IST

ಹುಣಸೂರು(ಮೈಸೂರು) : ನಗರದ ಪೊಲೀಸ್ ಠಾಣೆ ಎದುರುಗಡೆಯೇ ಕಳ್ಳರು ಗಂಧದ ಮರ ತುಂಡರಿಸಿ ಹೊತ್ತೊಯ್ದಿರುವ ಘಟನೆ ನಡೆದಿದೆ.

ನಗರದ ಎಸ್ ಜೆ ರಸ್ತೆಯ ನಗರ ಪೊಲೀಸ್ ಠಾಣೆ ಮುಂಭಾಗದಲ್ಲಿರುವ ಸಾರ್ವಜನಿಕ ಆಸ್ಪತ್ರೆ ಆವರಣದ ಮುಂಬಾಗದ ಪಾರ್ಕ್ ನಲ್ಲಿ ಬೆಳೆದಿದ್ದ ಗಂಧದ ಮರವನ್ನು ಮುಂಜಾನೆ ಗರಗಸದಿಂದ ಕೊಯ್ದು ತುಂಡುಗಳನ್ನು ಹೊತ್ತೊಯ್ದಿದ್ದಾರೆ.

ಸಾರ್ವಜನಿಕರು ಮಾಹಿತಿ ನೀಡದ ಮೇರೆಗೆ ಪೊಲೀಸರು ಭೇಟಿ ನೀಡಿ ಪರಿಶೀಲಿಸಿ ಪ್ರಕರಣ ದಾಖಲಿಸಿದ್ದಾರೆ.

ಆಸ್ಪತ್ರೆ ಆವರಣದಲ್ಲಿ ಇದು ಮೂರನೇ ಗಂಧದ ಮರ ಕಳ್ಳತನ ಪ್ರಕರಣವಾಗಿದೆ.

ಕಳೆದ ತಿಂಗಳ ಹಿಂದಷ್ಟೆ ನಗರದ ಬ್ರಾಹ್ಮಣರ ಬಡಾವಣೆಯ ಹರೀಶ್ ಎನ್ನುವವರ ಮನೆಯ ಮುಂದೆ ಬೆಳೆದಿದ್ದ ಗಂಧದ ಮರವನ್ನು ತುಂಡರಿಸಿ ಕಳ್ಳರು ಹೊತ್ತೊಯ್ದಿದ್ದರು. ಅಕ್ಕಪಕ್ಕದ ಮನೆಯವರು ಹೊರಬಾರದಂತೆ ಬಾಗಿಲ ಚಿಲಕಗಳಿಗೆ ಕಡ್ಡಿ ಸಿಕ್ಕಿಸಿ ಪರಾರಿಯಾಗಿದ್ದರು.