ಹುಣಸೂರು: 3 ಕೆಜಿ ಗಾಂಜಾ ಸಹಿತ ಆರೋಪಿ ಬಂಧನ

Team Udayavani, Mar 27, 2023, 9:42 PM IST

ಹುಣಸೂರು: ಗಾಂಜಾ ಮಾರಾಟ ಮಾಡಲು ನಿಂತಿದ್ದ ಆರೋಪಿಯನ್ನು ಮಾಲು ಸಹಿತ ಬಂಧಿಸುವಲ್ಲಿ ಗ್ರಾಮಾಂತರ ಠಾಣಾ ಪೋಲೀಸರು ಯಶಸ್ವಿಯಾಗಿದ್ದಾರೆ. ನಗರದ ನರಸಿಂಹಸ್ವಾಮಿ ತಿಟ್ಟು ಬಡಾವಣೆಯ ಸೈಯದ್ ಸಾಧಿಕ್ ಬಂಧಿತ ಆರೋಪಿ.

ನಗರದನರಸಿಂಹಸ್ವಾಮಿ ತಿಟ್ಟು ಬಡಾವಣೆಯ ಆರೋಪಿ ಸೈಯದ್ ಸಾಧಿಕ್ ವಿನೋಬಾ ಕಾಲೋನಿ ಬಳಿಯಲ್ಲಿ ಗಾಂಜಾ ಮಾರಾಟ ಮಾಡುತ್ತಿರುವ ಬಗ್ಗೆ ಬಂದ ಖಚಿತ ಮಾಹಿತಿ ಮೇರೆಗೆ ಡಿವೈಎಸ್ ಪಿ ಮಹೇಶ್ ರವರ ಮಾರ್ಗದರ್ಶನದಲ್ಲಿ ಗ್ರಾಮಾಂತರ ಠಾಣೆ ಇನ್ಸ್ ಪೆಕ್ಟರ್ ಸೋಮಶೇಖರ್ . ಎಸ್.ಐ.ರವಿ. ಸಿಬಂದಿಗಳಾದ ಲಿಖಿತ್.ಶ್ರೀಕಂಠ. ಇಮ್ರಾನ್ ಶರೀಫ್ ರವರು ವಿನೋಬಾ ಕಾಲೋನಿಯ ಬಸ್ ತಂಗುದಾಣದ ಬಳಿಯಲ್ಲಿ ನಿಂತಿದ್ದ ಸೈಯದ್ ಸಾಧಿಕ್ ನನ್ನು ಬಂಧಿಸಿ, ಮಾರಾಟ ಮಾಡಲು ಇರಿಸಿಕೊಂಡಿದ್ದ ಸುಮಾರು 3 ಕೆ.ಜಿ. ಹದ ಮಾಡಿದ್ದ ಗಾಂಜಾವನ್ನು ವಶಕ್ಕೆ ಪಡೆದು ಆರೋಪಿಯನ್ನು ನ್ಯಾಯಾಂಗ ಬಂಧನಕ್ಕೊಪ್ಪಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಅಕ್ರಮ ಮದ್ಯ ವಶ
ತಾಲೂಕಿನ ಮುತ್ತುರಾಯನಹೊಸಹಳ್ಳಿ ಮತ್ತು ಕೆಂಚನಕೆರೆ ಹೊಸಕೋಟೆ ಗ್ರಾಮದ ಚಿಲ್ಲರೆ ಅಂಗಡಿಗಳ ಮೇಲೆ ದಾಳಿ ನಡೆಸಿರುವ ಪೊಲೀಸರು ಅಕ್ರಮವಾಗಿ ಮಾರಾಟ ಮಾಡಲು ಇರಿಸಿದ್ದ 100 ಸ್ಯಾಚೆಟ್ ಮದ್ಯವನ್ನು ವಶಕ್ಕೆ ಪಡೆದು ಆರೋಪಿಗಳನ್ನು ಬಂಧಿಸಿದ್ದಾರೆ.