ಪಾದಚಾರಿ ಮತ್ತು ಟ್ರಾಕ್ಟರ್ ಗೆ ಬೈಕ್ ಸವಾರ ಢಿಕ್ಕಿ: ಸ್ಥಳದಲ್ಲೇ ಸಾವು

Team Udayavani, Nov 3, 2021, 7:25 PM IST

ಪಿರಿಯಾಪಟ್ಟಣ: ಬೈಕ್ ಸವಾರನೊಬ್ಬ ವೇಗವಾಗಿ ಚಲಿಸುತ್ತ ರಸ್ತೆಬದಿಯಲ್ಲಿ ಹಾದುಹೋಗುತ್ತಿದ್ದ ವ್ಯಕ್ತಿಗೆ ಡಿಕ್ಕಿ ಹೊಡೆದು ಎದುರಿಗೆ ಬರುತ್ತಿದ್ದ ಟ್ರಾಕ್ಟರ್ ಟ್ರೇಲರ್ ಗೆ ಢಿಕ್ಕಿ ಹೊಡೆದ ಪರಿಣಾಮ ಸ್ಥಳದಲ್ಲೇ ಮೃತಪಟ್ಟಿರುವ ಘಟನೆ ಬೆಟ್ಟದಪುರ ರಾಮನಾಥಪುರ ಮುಖ್ಯ ರಸ್ತೆಯ ಗೊರಹಳ್ಳಿ ಗ್ರಾಮದ ಬಳಿ ನಡೆದಿದೆ.

ಮೃತ ವ್ಯಕ್ತಿ ಅರಕಲಗೂಡು ತಾಲ್ಲೂಕಿನ ಲಕ್ಕೂರು ಮೂಡಲಕೊಪ್ಪಲು ನಿವಾಸಿ ಮಧು ಎಂದು ಗುರುತಿಸಲಾಗಿದೆ.

ಈತ ಬೆಟ್ಟದಪುರದಿಂದ ವೇಗವಾಗಿ ಬೈಕ್ ನಲ್ಲಿ ಬರುತ್ತಿರುವಾಗ ಗೊರಹಳ್ಳಿ ಗ್ರಾಮದ ನಿವಾಸಿ ಮಲ್ಲೇಶ್ ಎಂಬುವವರು ರಸ್ತೆ ಬದಿಯಲ್ಲಿ ನಡೆದುಕೊಂಡು ಹೋಗುತ್ತಿದ್ದಾಗ ಅವರಿಗೆ ಬೈಕ್ ಸವಾರ ವೇಗವಾಗಿ ಬಂದು ಡಿಕ್ಕಿ ಹೊಡೆದು ನಂತರ ಎದುರಿಗೆ  ಬರುತ್ತಿದ್ದ ಟ್ರಾಕ್ಟರ್ ಗೂ ಡಿಕ್ಕೆ ಹೊಡೆದಿದ್ದಾನೆ ಇವನು ಹೊಡೆದ ರಭಸಕ್ಕೆ ತಾನೇ ಸ್ಥಳದಲ್ಲಿ ಮೃತಪಟ್ಟಿದ್ದು, ಗಾಯಗೊಂಡಿದ್ದ ಗೊರಹಳ್ಳಿ ಗ್ರಾಮದ ಮಲ್ಲೇಶ್ ಎಂಬುವವರನ್ನು ಅವರ ಅಳಿಯ ಹರೀಶ್ ಮತ್ತು ಟ್ರಾಕ್ಟರ್ ಚಾಲಕ ಹುಣಸವಾಡಿ ಗ್ರಾಮದ ಮಂಜಣ್ಣ ಎಂಬುವವರು ಕೂಡಲೇ ಬೆಟ್ಟದಪುರದ ಖಾಸಗಿ ಆಸ್ಪತ್ರೆಗೆ ಕರೆದೊಯ್ದು ಚಿಕಿತ್ಸೆ ಕೊಡಿಸಿದ್ದಾರೆ.

ಈ ಬಗ್ಗೆ ಮಲ್ಲೇಶ್  ಬೆಟ್ಟದಪುರ ಪೊಲೀಸ್ ಠಾಣೆಗೆ ದೂರು ನೀಡಿದ್ದು ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.