Lok Sabha Elections; ಮೈಸೂರಿನಲ್ಲಿ ನನಗೇ ಬಿಜೆಪಿ ಟಿಕೆಟ್‌ ಸಿಗಲಿದೆ: ಪ್ರತಾಪ್‌ ಸಿಂಹ

Team Udayavani, Feb 27, 2024, 9:33 PM IST

ಮೈಸೂರು: ಮೈಸೂರು-ಕೊಡಗು ಲೋಕಸಭಾ ಕ್ಷೇತ್ರದ ಬಿಜೆಪಿ ಟಿಕೆಟ್‌ ಈ ಸಲವೂ ನನಗೆ ಸಿಗಲಿದೆ ಎಂದು ಸಂಸದ ಪ್ರತಾಪ್‌ ಸಿಂಹ ವಿಶ್ವಾಸ ವ್ಯಕ್ತಪಡಿಸಿದರು.

ಮಂಗಳವಾರ ಟಿಕೆಟ್‌ ಹಂಚಿಕೆ ಕುರಿತು ಪ್ರತಿಕ್ರಿಯೆ ನೀಡಿದ ಅವರು ಕೆಲವು ಮಾಧ್ಯಮಗಳು ವದಂತಿ ಹರಡುತ್ತಿವೆ. ಇದರಲ್ಲಿ ಯಾವುದೇ ಹುರುಳಿಲ್ಲ ಎಂದರು.

ಕಳೆದ 10 ವರ್ಷದಲ್ಲಿ ಕೇತ್ರಕ್ಕೆ ಯಾವೆಲ್ಲ ಯೋಜನೆ ತಂದಿದ್ದೇನೆ ಎಂಬು ದರ ಬಗ್ಗೆ ಕೇಂದ್ರದ ನಾಯಕರಿಗೆ ನನ್ನ ರಿಪೋರ್ಟ್‌ ಕಾರ್ಡ್‌ ಸಲ್ಲಿಸಿದ್ದೇನೆ. 2018ರಲ್ಲಿ ಮೈಸೂರಿಗೆ ಪ್ರಧಾನಿ ಮೋದಿ ಬಂದಾಗ ನನ್ನ ಕೆಲಸಗಳ ಬಗ್ಗೆ ಮೆಚ್ಚಿ ಬೆನ್ನು ತಟ್ಟಿ ಶ್ಲಾಘಿಸಿದ್ದಾರೆ. ಜತೆಗೆ ಅಮಿತ್‌ ಶಾ ಕೂಡ ನನ್ನನ್ನು ಲೋಕಪ್ರಿಯ ಸಂಸದ ಎಂದು ಕರೆದಿದ್ದಾರೆ.

ಹಾಗಾಗಿ, ನಾನು ಏನು ಮಾಡಿದ್ದೇನೆಂದು ವರಿಷ್ಠರಿಗೆ ಗೊತ್ತಿದೆ. ಅವರ ಪ್ರೀತಿ, ವಿಶ್ವಾಸ ಮತ್ತೆ ಸಿಗಲಿದೆ. 3ನೇ ಬಾರಿಯೂ ಗೆಲುವು ಸಾಧಿಸುತ್ತೇನೆ ಎಂದರು.