ಮೈಸೂರು: 258 ಮಂದಿ ಗುಣಮುಖ

Team Udayavani, Aug 11, 2020, 8:37 AM IST

ಮೈಸೂರು: ಜಿಲ್ಲೆಯಲ್ಲಿ ಸೋಮವಾರ 374 ಮಂದಿಗೆ ಸೋಂಕು ಹರಡಿದ್ದು, 258 ಮಂದಿ ಗುಣಮುಖತಾಗಿದ್ದರೆ, 5 ಮಂದಿ ಸೋಂಕಿತರು ಮೃತಪಟ್ಟಿದ್ದಾರೆ. ಸೋಮವಾರ 32, 71 ವರ್ಷದ ಮಹಿಳೆ, 67, 50 ಹಾಗೂ 63 ವರ್ಷದ ಪುರುಷರು ಸೇರಿದಂತೆ ಒಟ್ಟು 5 ಮಂದಿ ಉಸಿರಾಟದ ಸಮಸ್ಯೆಯಿಂದ ಮೃತಪಟ್ಟಿದ್ದಾರೆ. ಜಿಲ್ಲೆಯಲ್ಲಿ ಮೃತಪಟ್ಟವರ ಸಂಖ್ಯೆ 240ಕ್ಕೆ ಏರಿಕೆಯಾಗಿದೆ.

ಸೋಮವಾರ ಹೊಸದಾಗಿ 374 ಮಂದಿಗೆ ಸೋಂಕು ತಗುಲಿದೆ. ಈ ಮೂಲಕ ಒಟ್ಟು ಸೋಂಕಿತರ ಸಂಖ್ಯೆ 7685ಕ್ಕೆ ಏರಿಕೆಯಾಗಿದೆ. ಜತೆಗೆ 258 ಮಂದಿ ಒಂದೇ ದಿನ ಗುಣಮುಖರಾಗಿರುವುದು ತುಸು ನೆಮ್ಮದಿ ತರಿಸಿದೆ. ಜಿಲ್ಲೆಯಲ್ಲಿ ಈವರೆಗೆ 3466 ಮಂದಿ ಗುಣಮುಖರಾಗಿದ್ದು, 3979ಕ್ಕೆ ಏರಿಕೆಯಾಗಿದೆ. ಸಕ್ರಿಯ ಪ್ರಕರಣಗಳ ಸಂಖ್ಯೆ ಮಂಗಳವಾರ 4 ಸಾವಿರ ಗಡಿದಾಟಲಿದೆ. ಸಕ್ರಿಯ ಸೋಂಕಿತರು ಚಿಕಿತ್ಸೆ ಪಡೆಯುತ್ತಿದ್ದಾರೆ. ಹೊಸದಾಗಿ ಸೋಂಕಿತರು ಪತ್ತೆಯಾದ ಪ್ರದೇಶವನ್ನು ಸೀಲ್‌ಡೌನ್‌ ಮಾಡಲಾಗಿದೆ.