ಮಹಾಮಸ್ತಕಾಭಿಷೇಕಕ್ಕೆ ವಿಶೇಷ ರೈಲು ವ್ಯವಸ್ಥೆ

Team Udayavani, Feb 9, 2018, 11:28 AM IST

ಮೈಸೂರು: ಶ್ರೀಕ್ಷೇತ್ರ ಶ್ರವಣಬೆಳಗೊಳದಲ್ಲಿ ನಡೆಯುತ್ತಿರುವ ಗೊಮ್ಮಟೇಶ್ವರ ಭಗವಾನ್‌ ಬಾಹುಬಲಿ ಸ್ವಾಮಿಯ 88ನೇ ಮಹಾಮಸ್ತಕಾಭೀಷೇಕ ಮಹೋತ್ಸವಕ್ಕೆ ಬಂದು ಹೋಗುವ ಯಾತ್ರಾರ್ಥಿಗಳ ಅನುಕೂಲಕ್ಕಾಗಿ ನೈಋತ್ಯ ರೈಲ್ವೆ ಶ್ರವಣ ಬೆಳಗೊಳಕ್ಕೆ ವಿಶೇಷ ರೈಲುಗಳ ಸಂಚಾರ ವ್ಯವಸ್ಥೆ ಕಲ್ಪಿಸಿದೆ.ಯಶವಂತಪುರದಿಂದ ಶ್ರವಣಬೆಳಗೊಳಕ್ಕೆ ಮತ್ತು ಶ್ರವಣಬೆಳಗೊಳದಿಂದ ಯಶವಂತಪುರಕ್ಕೆ ವಿಶೇಷ ರೈಲು ವ್ಯವಸ್ಥೆ ಮಾಡಲಾಗಿದೆ.

ರೈಲುಗಾಡಿ ಡೆಮು ಎಕ್ಸ್‌ಪ್ರೆಸ್‌ ವಾರದಲ್ಲಿ ಮೂರು ದಿನ ಸಂಚರಿಸುವ ಎಕ್ಸ್‌ಪ್ರೆಸ್‌ ರೈಲು ಯಶವಂತಪುರದಿಂದ ಭಾನುವಾರ, ಮಂಗಳವಾರ ಮತ್ತು ಗುರುವಾರ ಬೆಳಗ್ಗೆ 7.10ಕ್ಕೆ ಮತ್ತು ರೈಲುಗಾಡಿ ಸಂಖ್ಯೆ 16515 ವಾರದಲ್ಲಿ ಮೂರು ದಿನ ಸಂಚರಿಸುವ ಎಕ್ಸ್‌ಪ್ರೆಸ್‌ ರೈಲು ಯಶವಂತಪುರದಿಂದ ಸೋಮವಾರ, ಬುಧವಾರ ಮತ್ತು ಶುಕ್ರವಾರ ಬೆಳಗ್ಗೆ 7.10ಕ್ಕೆ ಸಂಚರಿಸಲಿದೆ.

ಯಶವಂತಪುರ-ಶ್ರವಣಬೆಳಗೊಳ ನಡುವೆ ಪ್ರತಿನಿತ್ಯ ಸಂಚರಿಸುವ ಗಾಡಿ ಸಂಖ್ಯೆ 56215 ಪ್ಯಾಸೆಂಜರ್‌ ರೈಲು ಮಧ್ಯಾಹ್ನ 12.45ಕ್ಕೆ. ರೈಲುಗಾಡಿ ಸಂಖ್ಯೆ 06555 ಡೆಮು ಎಕ್ಸ್‌ಪ್ರೆಸ್‌ (ವಿಶೇಷ) ನಿತ್ಯ ಮಧ್ಯಾಹ್ನ 2ಕ್ಕೆ. ರೈಲು ಗಾಡಿ ಸಂಖ್ಯೆ 06563 ಡೆಮು ಎಕ್ಸ್‌ಪ್ರೆಸ್‌ (ವಿಶೇಷ) ನಿತ್ಯ ಮಧ್ಯಾಹ್ನ 3.45ಕ್ಕೆ. ರೈಲುಗಾಡಿ ಸಂಖ್ಯೆ 22679 ಇಂಟರ್‌ಸಿಟಿ ಎಕ್ಸ್‌ಪ್ರೆಸ್‌ ನಿತ್ಯ ಸಂಜೆ 6.15ಕ್ಕೆ. ಈ ರೈಲುಗಳ ಸೇವೆ ಫೆ.26ರವರೆಗೆ ಮುಂದುವರಿಯಲಿದೆ.