![Anna Movie: ಅನ್ನಂ ಪರಬ್ರಹ್ಮ ಸ್ವರೂಪಂ!](https://www.udayavani.com/wp-content/uploads/2024/09/17-3-415x249.jpg)
“ಶ್ರೀನಿವಾಸ ಪ್ರಸಾದರನ್ನು ಸೋಲಿಸುವುದೇ ನಮ್ಮೆಲ್ಲರ ಗುರಿ’
Team Udayavani, Feb 13, 2017, 12:47 PM IST
![mys3.jpg](https://www.udayavani.com/wp-content/uploads/2017/02/13/mys3.jpg)
ನಂಜನಗೂಡು: ಮಾಜಿ ಸಚಿವ ವಿ. ಶ್ರೀನಿವಾಸ್ ಪ್ರಸಾದರನ್ನು ಸೋಲಿಸುವುದೇ ನಮ್ಮೆಲ್ಲರ ಗುರಿಯಾಗಿದೆ ಎಂದು ಮುಖ್ಯಮಂತ್ರಿ ಸಿದ್ದರಾಮಯ್ಯ ಘೋಷಿಸಿದರು. ಭಾನುವಾರ ಗುಂಡ್ಲುಪೇಟೆಗೆ ತೆರಳಬೇಕಾಗಿದ್ದ ಮುಖ್ಯಮಂತ್ರಿಗಳು ನಗರದ ವಿಶ್ವಕರ್ಮ ಸಂಘದ ಜಿಲ್ಲಾಧ್ಯಕ್ಷ, ಗುತ್ತಿಗೆದಾರ ನಂದಕುಮಾರ್ ಮನೆಗೆ ಭೇಟಿ ನೀಡಿ ಅಲ್ಲಿ ಸೇರಿದ್ದ ಜನತೆಯನ್ನುದ್ದೇಶಿಸಿ ಮಾತನಾಡಿದರು.
ಚುನಾವಣೆ ಬೇಕಾಗಿರಲಿಲ್ಲ. ನಾವೇನು ಶ್ರೀನಿವಾಸ್ ಪ್ರಸಾದರನ್ನು ಶಾಸಕತ್ವಕ್ಕೆ ರಾಜೀನಾಮೆ ನೀಡಿ ಎಂದು ಹೇಳಿರಲಿಲ್ಲ. ಪಕ್ಷದಿಂದಲೂ ಹೊರ ಹಾಕಿರಲಿಲ್ಲ ಎಂದ ಮುಖ್ಯಮಂತ್ರಿಗಳು, ಯಾರ ಪಾಲಿಗೂ ಬೇಡವಾದ ಚುನಾವಣೆಯನ್ನು ತಂದಿಟ್ಟವರು ಪ್ರಸಾದ್ ಎಂದು ದೂಷಿಸಿದರು.
ಈ ಮಹಾಶಯರನ್ನು ಮಂತ್ರಿ ಮಾಡುವಾಗ ಬಿಜೆಪಿಯವರು ಎಲ್ಲಿದ್ದರು? ಮಾಡಿದ್ದೂ ನಾವೇ ಕೈ ಬಿಟ್ಟಿದ್ದೂ ನಾವೇ. ಆದರೆ ಇವರು ಶಾಸಕತ್ವ ಹಾಗೂ ಪಕ್ಷಕ್ಕೆ ರಾಜೀನಾಮೆ ಇತ್ತು ಈಗ ಬಿಜೆಪಿ ಸೇರಿದ್ದಾರೆ ಎಂದು ಕಿಡಿಕಾರಿದರು. ಹಾಗಂತ ಯಾರೂ ಅವರನ್ನು ಬಯ್ಯಬೇಡಿ. ಅವರ ಆರೋಪಗಳಿಗೆಲ್ಲ ಅವರನ್ನು ಸೋಲಿಸುವುದರ ಮುಖಾಂತರವೇ ಉತ್ತರ ನೀಡೋಣ. ಅದೇ ಈಗ ತನ್ನ ಹಾಗೂ ನಿಮ್ಮೆಲ್ಲರ ಗುರಿಯಾಗಬೇಕಿದೆ ಎಂದರು.
ಗುಂಡ್ಲುಪೇಟೆ ಹಾಗೂ ನಂಜನಗೂಡು ವಿಧಾನಸಭಾ ಕ್ಷೇತ್ರದ ಉಪ ಚುನಾವಣೆಯ ಘೋಷಣೆ ಯಾವುದೇ ಕ್ಷಣದಲ್ಲಿ ಹೊರಬೀಳ ಬಹುದು. ನಾವೀಗ ಇಲ್ಲಿನ ಸ್ಥಾನಗಳನ್ನು ಉಳಿಸಿಕೊಳ್ಳಬೇಕು. ಅದಕ್ಕಾಗಿ ಎಲ್ಲರೂ ಒಗ್ಗಟ್ಟಾಗಿ ನಿಂತು ಕೆಲಸ ಮಾಡಬೇಕಿದೆ. ಈ ವಿಷಯದಲ್ಲಿ ಅಪಸ್ವರ ಬೇಡ ಎಂದು ಹೇಳಿದರು.
ಸರ್ಕಾರವೇ ಇಲ್ಲಿ ಠಿಕ್ಕಾಣಿ: ಚುನಾವಣೆ ಘೋಷಣೆಯಾದ ನಂತರ ತಾನು, ತನ್ನ ಸಚಿವರು, ಪಕ್ಷದ ರಾಜಾÂಧ್ಯಕ್ಷರು, ಕಾರ್ಯಾಧ್ಯಕ್ಷರು, ಪದಾಧಿಕಾರಿಗಳೆಲ್ಲ ವಾರಗಟ್ಟಲೇ ಇಲ್ಲೇ ಠಿಕ್ಕಾಣಿ ಹೂಡಿ ರಣ ಕಹಳೆ ಮೊಳಗಿಸುತ್ತೇವೆ. ಇದೇನು ಪ್ರತಿಷ್ಠಿತ ಚುನಾವಣೆ ಆಗಿರಲಿಲ್ಲ. ಆದರೆ ಆ ಮಹಾಶಯ ಬಿಜೆಪಿ ಸೇರಿ ಇದನ್ನು ಪ್ರತಿಷ್ಠೆಯ ಚುನಾವಣೆಯಾಗಿಸಿದ್ದಾರೆ. ಇಷ್ಟೆಲ್ಲಾ ರದ್ಧಾಂತಕ್ಕೆ ಕಾರಣರಾದ ಪ್ರಸಾದರನ್ನು ಸೋಲಿಸದೇ ಇರಲಾಗುತ್ತಾ? ನೋಡಿಯೇ ಬಿಡೋಣ.
ಉಪ ಚುನಾವಣೆ ತಂದಿಕ್ಕಿದ ಅವರಿಗೊಂದು ಸೋಲುಣಿಸಿ ಉತ್ತರ ನೀಡಿಯೇ ವಿರಮಿಸೋಣ ಎಂದು ಅವರು ನೆರದಿದ್ದ ಕಾರ್ಯಕರ್ತರಿಗೆ ಕರೆ ನೀಡಿದರು. ನಂದಕುಮಾರ ತನ್ನ ಹಳೆಯ ಸ್ನೇಹಿತ. ಹಾಗಾಗಿ ಇಲ್ಲಿಗೆ ಬಂದಿದ್ದೇನೆ. ಸದ್ಯದಲ್ಲೇ ಈತನಿಗೊಂದು ಅಧಿಕಾರ ಸ್ಥಾನ ನೀಡಲಾಗುತ್ತದೆ ಎಂದು ಘೋಷಿಸಿದ ಮುಖ್ಯಮಂತ್ರಿಗಳು, ಲೋಕೋಪಯೋಗಿ ಸಚಿವ ಡಾ.ಎಚ್.ಸಿ. ಮಹದೇವಪ್ಪ ಹಾಗೂ ಶಾಸಕ ವೆಂಕಟೇಶರೊಂದಿಗೆ ಗುಂಡ್ಲುಪೇಟೆಯತ್ತ ತೆರಳಿದರು.
ಟಾಪ್ ನ್ಯೂಸ್
![Anna Movie: ಅನ್ನಂ ಪರಬ್ರಹ್ಮ ಸ್ವರೂಪಂ!](https://www.udayavani.com/wp-content/uploads/2024/09/17-3-415x249.jpg)
![](https://www.udayavani.com/wp-content/uploads/2024/03/IndianClicks_GVega_300x250_03212024_1_3.gif)
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
![Mysuru-Elephant](https://www.udayavani.com/wp-content/uploads/2024/09/Mysuru-Elephant-129x115.jpg)
Mysuru Dasara: ಎರಡನೇ ತಂಡದ ಗಜಪಡೆಗೆ ತೂಕ ಪರೀಕ್ಷೆ: ಸುಗ್ರೀವ 5.2 ಟನ್
![3-hunsur](https://www.udayavani.com/wp-content/uploads/2024/09/3-hunsur-150x90.jpg)
Hunsur: ಗಣಪತಿ ಪ್ರತಿಷ್ಠಾಪನೆಗೆ ಅನುಮತಿ ಕಡ್ಡಾಯ: ಇನ್ಸ್ಪೆಕ್ಟರ್ ಮುನಿಯಪ್ಪ
![CM-Siddu](https://www.udayavani.com/wp-content/uploads/2024/09/CM-Siddu-1-150x90.jpg)
Report on Corruption: ಕೋವಿಡ್ ಅಕ್ರಮ: ಸಂಪುಟ ಸಭೆಯಲ್ಲಿ ಚರ್ಚಿಸಿ ಕ್ರಮ: ಸಿಎಂ
![Yadhuveer](https://www.udayavani.com/wp-content/uploads/2024/09/Yadhuveer-150x90.jpg)
Mysuru: ಚಾಮುಂಡೇಶ್ವರಿ ಕ್ಷೇತ್ರ ಅಭಿವೃದ್ಧಿ ಪ್ರಾಧಿಕಾರದ ಸಭೆ ಅಕ್ರಮ: ಸಂಸದ ಯದುವೀರ್
![Chamundi-Sabhe](https://www.udayavani.com/wp-content/uploads/2024/09/Chamundi-Sabhe-150x90.jpg)
Mysore: ಚಾಮುಂಡೇಶ್ವರಿ ದೇಗುಲ ಸಂಪ್ರದಾಯ, ಘನತೆ ಕಾಪಾಡಿ ಉನ್ನತೀಕರಿಸಿ: ಸಿದ್ದರಾಮಯ್ಯ
MUST WATCH
ಹೊಸ ಸೇರ್ಪಡೆ
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.