![Anna Movie: ಅನ್ನಂ ಪರಬ್ರಹ್ಮ ಸ್ವರೂಪಂ!](https://www.udayavani.com/wp-content/uploads/2024/09/17-3-415x249.jpg)
ಗುರಿ, ಧೈರ್ಯದಿಂದ ಸಾಧನೆ ಸುಲಭ
Team Udayavani, Aug 20, 2018, 12:40 PM IST
![m6-guri.jpg](https://www.udayavani.com/wp-content/uploads/2018/08/20/m6-guri.jpg)
ಹುಣಸೂರು: ಗುರಿ, ಧೈರ್ಯ, ಬದ್ಧತೆ ಇದ್ದಲ್ಲಿ ಎಂತವರೂ ಶಿಖರ ಏರಬಹುದೆಂದು ಎವರೆಸ್ಟ್ ಏರುವ ಮೂಲಕ ಕನ್ನಡ ನಾಡಿಗೆ ಹೆಮ್ಮೆ ತಂದಿರುವ ನಾಗರಹೊಳೆ ಅರಣ್ಯ ರಕ್ಷಕ ವಿಕ್ರಂ ಅಭಿಪ್ರಾಯಪಟ್ಟರು.
ನಗರದ ಮಹಿಳಾ ಸರಕಾರಿ ಪದವಿ ಕಾಲೇಜಿನಲ್ಲಿ ಭೂಗೋಳ ಶಾಸ್ತ್ರ ವಿಭಾಗವು ಆಯೋಜಿಸಿದ್ದ ಭೂ ವಿಜ್ಞಾನ ವೇದಿಕೆ ಉದ್ಘಾಟನಾ ಸಮಾರಂಭದಲ್ಲಿ ಎವರೆಸ್ಟ್ ಅವರೋಹಣ ಕುರಿತ ಪಿಪಿಟಿ ಮೂಲಕ ಅನುಭವಗಳನ್ನು ಹಂಚಿಕೊಂಡ ಅವರು ತಮ್ಮ 9ವರ್ಷಗಳ ಎವರೆಸ್ಟ್ ಏರುವ ಕನಸು ನನಸಾಗಿಸಿಕೊಂಡಿದ್ದೇನೆ.
ನನ್ನ ಕನಸಿನಲ್ಲೂ ಎವರೆಸ್ಟ್ ಕಾಡುತ್ತಿತ್ತು, ನೇಪಾಳ ಮೂಲಕ ಎವರೆಸ್ಟ್ ಶಿಖರವನ್ನು ವಿವಿಧ ರಾಜ್ಯಗಳ 24 ಮಂದಿಯೊಂದಿಗೆ ಕ್ಲಿಷ್ಟಕರ ವಾತಾವರಣದಲ್ಲಿ ಅಡೆತಡೆಗಳ ನಡುವೆಯೂ ಹಂತಹಂತವಾಗಿ 32 ದಿನಗಳ ಅವಧಿಯಲ್ಲಿ ಶಿಖರವನ್ನು ಏರಿದೆ. ಬೇಸ್ ಕ್ಯಾಂಪ್ ನಂತರ ನನ್ನ ಜೊತೆಗಿದ್ದ 18ಮಂದಿ ವಿವಿಧ ಕಾರಣಗಳಿಂದ ವಾಪಾಸಾದರು.
ಹಿಮಗಾಳಿ ಹಾಗೂ ಮೈನೆಸ್ ವಾತಾವರಣದಲ್ಲಿ ಶೇರ್ಪಾಗಳ ನೆರವಿನಿಂದ ಮೇಲೇರಿದ ನಾವು ನಿತ್ಯ ಐಸನ್ನು ಕರಗಿಸಿ 5-6 ಲೀ.ನಷ್ಟ ನೀರು ಕುಡಿಯುತ್ತಿದ್ದೆವು, ಊಟಕ್ಕೆ ಮ್ಯಾಗಿಸೂಪ್ ಬಳಸುತ್ತಿದ್ದೆವು. ತುತ್ತತುದಿ ಮುಟ್ಟುವ ವೇಳೆ ರಾತ್ರಿಯೂ ಎವರೆಸ್ಟ್ ಹತ್ತಿದೆವು. ಹಲವು ಮƒತ ದೇಹಗಳನ್ನು ಕಂಡೆವು.
ಎವರೆಸ್ಟ್ನ ತುತ್ತ ತುದಿಯಲ್ಲಿ ಕೇವಲ 15 ನಿಮಿಷಗಳ ಕಾಲ ಮಾತ್ರ ಅಲ್ಲಿದ್ದು, ಆ ವೇಳೆ ಕರ್ನಾಟಕದ ಬಾವುಟ, ಸಾಧನೆಗೆ ಪ್ರೇರಣೆ ನೀಡಿದ ರಾಮಕೃಷ್ಣ ಪರಮಹಂಸ, ಸ್ವಾಮಿ ವಿವೇಕಾನಂದ, ಶಿವಕುಮಾರ ಸ್ವಾಮಿಜಿ, ಅಬ್ದುಲ್ ಕಲಾಂ ನಾಗರಹೊಳೆ ಸಿ.ಎಫ್.ದಿ.ಮಣಿಕಂದನ್ ಸೇರಿದಂತೆ ಅನೇಕ ಸಾಧಕರ ಭಾವಚಿತ್ರ, ಪರಿಸರ ಸಂರಕ್ಷಣೆ ಕುರಿತ ಬ್ಯಾನರ್ ಅನಾವರಣಗೊಳಿಸಿದ್ದು ಆ ರೋಚಕ ಕ್ಷಣ ಅವಿಸ್ಮರಣೀಯವೆಂದರು.
ಈ ಎಲ್ಲಾ ಸಾಧನೆಗೆ ಅರಣ್ಯ ಇಲಾಖೆಯ ಅಧಿಕಾರಿಗಳು ತುಂಬು ಸಹಕಾರ ನೀಡಿದ್ದಾರೆಂದು ಸ್ಮರಿಸಿದರು. ವಿದ್ಯಾರ್ಥಿಗಳು ವಿಕ್ರಂರೊಂದಿಗೆ ಸಂವಾದ ನಡೆಸಿದರು. ಇತಿಹಾಸ ವಿಭಾಗದ ಮುಖ್ಯಸ್ಥ ಬಿ.ಎಂ.ನಾಗರಾಜ್, ಅಧ್ಯಕ್ಷತೆವಹಿಸಿದ್ದ ಪ್ರಾಚಾರ್ಯ ಜ್ಞಾನಪ್ರಕಾಶ್, ಭೌತಶಾಸ್ತ್ರ ವಿಭಾಗದ ಮಂಜುನಾಥ್ ಮಾತನಾಡಿದರು. ಪ್ರಾಧ್ಯಾಪಕರಾದ ನಂಜುಂಡಸ್ವಾಮಿ, ನಾಗಣ್ಣ, ಶ್ರೀನಿವಾಸ್, ಅಂಬುಜಾಕ್ಷಿ ಸೇರಿದಂತೆ ವಿದ್ಯಾರ್ಥಿ ಸಮೂಹ ಭಾಗವಹಿಸಿದ್ದರು.
ಟಾಪ್ ನ್ಯೂಸ್
![Anna Movie: ಅನ್ನಂ ಪರಬ್ರಹ್ಮ ಸ್ವರೂಪಂ!](https://www.udayavani.com/wp-content/uploads/2024/09/17-3-415x249.jpg)
![](https://www.udayavani.com/wp-content/uploads/2024/03/IndianClicks_GVega_300x250_03212024_1_3.gif)
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
![Mysuru-Elephant](https://www.udayavani.com/wp-content/uploads/2024/09/Mysuru-Elephant-129x115.jpg)
Mysuru Dasara: ಎರಡನೇ ತಂಡದ ಗಜಪಡೆಗೆ ತೂಕ ಪರೀಕ್ಷೆ: ಸುಗ್ರೀವ 5.2 ಟನ್
![3-hunsur](https://www.udayavani.com/wp-content/uploads/2024/09/3-hunsur-150x90.jpg)
Hunsur: ಗಣಪತಿ ಪ್ರತಿಷ್ಠಾಪನೆಗೆ ಅನುಮತಿ ಕಡ್ಡಾಯ: ಇನ್ಸ್ಪೆಕ್ಟರ್ ಮುನಿಯಪ್ಪ
![CM-Siddu](https://www.udayavani.com/wp-content/uploads/2024/09/CM-Siddu-1-150x90.jpg)
Report on Corruption: ಕೋವಿಡ್ ಅಕ್ರಮ: ಸಂಪುಟ ಸಭೆಯಲ್ಲಿ ಚರ್ಚಿಸಿ ಕ್ರಮ: ಸಿಎಂ
![Yadhuveer](https://www.udayavani.com/wp-content/uploads/2024/09/Yadhuveer-150x90.jpg)
Mysuru: ಚಾಮುಂಡೇಶ್ವರಿ ಕ್ಷೇತ್ರ ಅಭಿವೃದ್ಧಿ ಪ್ರಾಧಿಕಾರದ ಸಭೆ ಅಕ್ರಮ: ಸಂಸದ ಯದುವೀರ್
![Chamundi-Sabhe](https://www.udayavani.com/wp-content/uploads/2024/09/Chamundi-Sabhe-150x90.jpg)
Mysore: ಚಾಮುಂಡೇಶ್ವರಿ ದೇಗುಲ ಸಂಪ್ರದಾಯ, ಘನತೆ ಕಾಪಾಡಿ ಉನ್ನತೀಕರಿಸಿ: ಸಿದ್ದರಾಮಯ್ಯ
MUST WATCH
ಹೊಸ ಸೇರ್ಪಡೆ
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.