ವಾಲ್ಮೀಕಿ ಸಮಾಜಕ್ಕೆ ಪ್ರತ್ಯೇಕ ರೆಜಿಮೆಂಟ್‌: ಪಾದಯಾತ್ರೆ

Team Udayavani, Feb 7, 2021, 2:45 PM IST

ಲಿಂಗಸುಗೂರು: ವಾಲ್ಮೀಕಿ ನಾಯಕ ಸಮಾಜಕ್ಕೆ ಪ್ರತ್ಯೇಕ ರೆಜಿಮೆಂಟ್‌ಗೆ ಸ್ಥಾಪಿಸುವಂತೆ ಒತ್ತಾಯಿಸಿ ಶರಣು ಸುರಪೂರಕರ್‌ ನೇತೃತ್ವದಲ್ಲಿ ಮಸ್ಕಿಯಿಂದ ಸುರುಪುರ ವರೆಗೆ ಆರಂಭಿಸಿದ ಪಾದಯಾತ್ರೆಗೆ ಶನಿವಾರ ಪಟ್ಟಣದಲ್ಲಿ ನಾಯಕ ಸಮಾಜದ ಮುಖಂಡರು ಸ್ವಾಗತಿಸಿದರು.

ಸ್ವಾತಂತ್ರ್ಯ ಹೋರಾಟದಲ್ಲಿ ಅನೇಕ ನಾಯಕ ಸಂಸ್ಥಾನಗಳು ತಮ್ಮದೇ ಆದ ಕೊಡುಗೆ ನೀಡಿವೆ. ನಾಯಕ ಸಮಾಜದ ಯುವಕರು ಸೈನ್ಯದಲ್ಲಿ ಸೇರಿಕೊಂಡು ದೇಶ ಸೇವೆ ಮಾಡಲು ಪ್ರೇರಣೆಗಾಗಿ ಭಾರತೀಯ ಸೇನೆಯಲ್ಲಿ ನಾಯಕರಿಗೆ ಪ್ರತ್ಯೇಕ ರೆಜಿಮೆಂಟ್‌ ಸ್ಥಾಪಿಸುವುದು ಅಗತ್ಯವಾಗಿದೆ.

ಇದನ್ನೂ ಓದಿ:16 ಗ್ರಾಪಂ ಬಿಜೆಪಿಗೆ, 5ರಲ್ಲಿ ಕಾಂಗ್ರೆಸ್‌ ಪಾರಮ್ಯ

ಈಗಾಗಲೇ ಸಿಖ್‌, ಗೋರಾಕ್‌ ರೆಜಿಮೆಂಟ್‌ನಂತೆ ವಾಲ್ಮೀಕಿ ರೆಜಿಮೆಂಟ್‌ ಸ್ಥಾಪಿಸಬೇಕು ಎಂದು ಆಗ್ರಹಿಸಿ ಫೆ.5ರಂದು ಮಸ್ಕಿಯಿಂದ ಪಾದಯಾತ್ರೆ ಆರಂಭಗೊಂಡು ಫೆ.8ಕ್ಕೆ ಸುರುಪುರವರಿಗೂ ಪಾದಯಾತ್ರೆ ಕೊನೆಗೊಳ್ಳಲಿದೆ. ಉಸ್ಕಿಹಾಳದ ಆತ್ಮಾನಂದ ಗುರೂಜಿ, ಚಂದ್ರು ನಾಯಕ, ಹನುಮಂತ  ನಾಯಕ, ಅಂಜಿ ನಾಯಕ, ನಾಗಪ್ಪ, ಪ್ರಭಾಕರ್‌ ಸೂಗೂರುಸೇರಿದಂತೆ ಇನ್ನೂ ಅನೇಕರಿದ್ದರು.