ಕೆಸರಲ್ಲೇ ವಾರದ ಸಂತೆ-ಆಕ್ರೋಶ

Team Udayavani, Nov 14, 2021, 5:05 PM IST

ಲಿಂಗಸುಗೂರು: ಪಟ್ಟಣದಲ್ಲಿ ವಾರದ ಸಂತೆ ಗಲೀಜಿನಲ್ಲೇ ನಡೆಯುತ್ತಿದೆ. ಸ್ವತ್ಛತೆಗೆ ನಿಗಾವಹಿಸಬೇಕಾದ ಪುರಸಭೆ ನಿರ್ಲಕ್ಷ್ಯ ಧೋರಣೆ ಅನುಸರಿಸುತ್ತಿದೆ ಎಂದು ಸಾರ್ವಜನಿಕರು ದೂರುತ್ತಿದ್ದಾರೆ.

ವಾರದ ಸಂತೆಯ ಪ್ರಾಂಗಣದಲ್ಲಿ ಚರಂಡಿ ನೀರು ಹರಿಯುತ್ತಿದ್ದು, ಈ ಗಲೀಜು ನೀರಲ್ಲೇ ಕುಳಿತು ತರಕಾರಿ ಮಾರಾಟ-ಖರೀದಿ ಮಾಡಬೇಕಾಗಿದೆ. ಪ್ರತಿವರ್ಷ ವಾರದ ಸಂತೆ ಹರಾಜಿನಿಂದ ಪುರಸಭೆ ಲಕ್ಷಾಂತರ ರೂ. ಆದಾಯ ಬರುತ್ತಿದ್ದರೂ ಪುರಸಭೆ ಆಡಳಿತ ಮಂಡಳಿ ವಾರದ ಸಂತೆ ಸ್ವತ್ಛತೆಗೆ ಮಾತ್ರ ಆಸಕ್ತಿ ತೋರುತ್ತಿಲ್ಲ ಇದರಿಂದ ಸಂತೆ ರೋಗಗಳ ತಾಣವಾಗಿದೆ. ಆದ್ದರಿಂದ ಪುರಸಭೆ ಮುಖ್ಯಾಧಿಕಾರಿಗಳು ಈ ಕುರಿತು ಗಮನ ಹರಿಸಿ ವಾರದ ಸಂತೆ ಪ್ರಾಂಗಣ ಸ್ವತ್ಛಗೊಳಿಸಿ ಅಗತ್ಯ ಸೌಲಭ್ಯ ಒದಗಿಸುವಂತೆ ಪುರಸಭೆ ಮಾಜಿ ಅಧ್ಯಕ್ಷ ಖಾದರಪಾಶಾ, ಕರವೇ ಅಧ್ಯಕ್ಷ ಖಾದರಪಾಶಾ ಆಗ್ರಹಿಸಿದ್ದಾರೆ.