ಕಾಂಗ್ರೆಸ್‌ ಸಂಸ್ಥಾಪನಾ ದಿನಾಚರಣೆ

Team Udayavani, Jan 2, 2018, 3:17 PM IST

ಮುದಗಲ್ಲ: ಪಟ್ಟಣದ ಕಾಂಗ್ರೆಸ್‌ ಮುಖಂಡ ಡಿ.ಎಸ್‌.ಹೂಲಗೇರಿ ನಿವಾಸದಲ್ಲಿ ಇತ್ತೀಚೆಗೆ ಕಾಂಗ್ರೆಸ್‌ ಪಕ್ಷದ 132ನೇ ಸಂಸ್ಥಾಪನಾ ದಿನಾಚರಣೆ ಕಾರ್ಯಕ್ರಮ ನಡೆಯಿತು. ತನ್ನಿಮಿತ್ತ ಮಹಾತ್ಮಗಾಂಧೀಜಿ ಭಾವಚಿತ್ರಕ್ಕೆ ಪೂಜೆ ಸಲ್ಲಿಸಲಾಯಿತು.

ಕಾಂಗ್ರೆಸ್‌ ತಾಲೂಕು ಅಧ್ಯಕ್ಷ ಭೂಪನಗೌಡ ಕರಡಕಲ್‌ ಮಾತನಾಡಿ, ಕಾಂಗ್ರೆಸ್‌ ಪಕ್ಷಕ್ಕೆ ತನ್ನದೇ ಆದ ಇತಿಹಾಸ ಹಾಗೂ ರಾಜಕೀಯ ಹಿನ್ನೆಲೆ ಇದೆ. ಯುವಕರು ಪಕ್ಷ ಸಂಘಟನೆಗೆ ಮುಂದಾಗಬೇಕು ಎಂದು ಹೇಳಿದರು.

ನಾಗನಗೌಡ ತುರಡಗಿ, ಚನ್ನವೀರಪ್ಪ ಗೌಡ ಪಾಗದ ಮಾತನಾಡಿ, ಮುಂಬರುವ ವಿಧಾನಸಭೆ ಚುನಾವಣೆಯಲ್ಲಿ ಪಕ್ಷದ ಗೆಲುವಿಗಾಗಿ ಯುವಕರು, ಕಾರ್ಯಕರ್ತರು ಪಕ್ಷ ಸಂಘಟನೆಯಲ್ಲಿ ತೊಡೊಗಬೇಕು ಎಂದರು.

ಕಾಂಗ್ರೆಸ್‌ ಮುಖಂಡ ಡಿ.ಎಸ್‌. ಹೂಲಗೇರಿ, ಬ್ಲಾಕ್‌ ಅಧ್ಯಕ್ಷ ದಾವೂದ್‌ ಸಾಬ್‌, ಡಾ| ಅಯ್ಯಪ್ಪ ಬನ್ನಿಗೋಳ, ಮಾಸೂಮ್‌ ಷರೀಫ್‌, ಶ್ರೀಕಾಂತಗೌಡ ಪಾಟೀಲ್‌, ನ್ಯಾಮತುಲ್ಲಾ ಖಾದ್ರಿ, ಹನುಮಂತಪ್ಪ ಮೇಗಳಪೇಟೆ, ಅಮರೇಶ ಅಂಗಡಿ, ಶರೀಫ್‌ ವಕೀಲರು, ಸೇರಿದಂತೆ ಕಾಂಗ್ರೆಸ್‌ ಮುಖಂಡರು, ಕಾರ್ಯಕರ್ತರು ಉಪಸ್ಥಿತರಿದ್ದರು.