ದೆಹಲಿ ರೈತರ ಹೋರಾಟ ಬೆಂಬಲಿಸಿ ಪ್ರತಿಭಟನೆ

Team Udayavani, May 27, 2021, 11:00 PM IST

ಸಿಂಧನೂರು: ರೈತ ವಿರೋಧಿ 3 ಕೃಷಿ ಕಾಯ್ದೆಗಳನ್ನು ರದ್ದುಪಡಿಸಲು ಆಗ್ರಹಿಸಿ ನಡೆಸುತ್ತಿರುವ ದೆಹಲಿ ರೈತರ ಹೋರಾಟ ಬೆಂಬಲಿಸಿ, ರೈತ ವಿರೋಧಿ ಕೃಷಿ ಕಾನೂನು ರದ್ಧತಿ ಹೋರಾಟ ಸಮಿತಿಯಿಂದ ಬುಧವಾರ ಕಪ್ಪು ದಿನಾಚರಣೆ ನಿಮಿತ್ತ ಸಾಂಕೇತಿಕ ಪ್ರತಿಭಟನೆ ನಡೆಸಲಾಯಿತು.

ಹೋರಾಟ ಸಮಿತಿಯ ಸಂಚಾಲಕ ಚಂದ್ರಶೇಖರ ಗೊರಬಾಳ ಮಾತನಾಡಿ, ರೈತರ ಆದಾಯ ದ್ವಿಗುಣ ಮಾಡುವ ಹೆಸರಿನಲ್ಲಿ ಅಧಿ ಕಾರಕ್ಕೆ ಬಂದ ಪ್ರಧಾನಿ ನರೇಂದ್ರ ಮೋದಿ ಅವರ ಸರಕಾರ, ನಿರಂತರವಾಗಿ ಪ್ರತಿವರ್ಷ ಕೃಷಿ ಸಬ್ಸಿಡಿಗಳನ್ನು ಕಡಿತಗೊಳಿಸಿದೆ. ಕೃಷಿ ಬೆಂಬಲ ಬೆಲೆಗಳನ್ನು ಕಾನೂನು ಬದ್ಧಗೊಳಿಸುವ ಕೆಲಸಕ್ಕೆ ಮುಂದಾಗುತ್ತಿಲ್ಲ. ರೈತರು, ಕೃಷಿ ಕಾರ್ಮಿಕರನ್ನು ಬೀದಿಪಾಲು ಮಾಡುವ 3 ಕರಾಳ ಕೃಷಿ ಕಾನೂನುಗಳನ್ನು ಜಾರಿಗೆ ತರುವ ಮೂಲಕ ಇಡೀ ಕೃಷಿಭೂಮಿ ಮತ್ತು ಮಾರುಕಟ್ಟೆಯನ್ನು ಅದಾನಿ-ಅಂಬಾನಿಗಳಂತಹ ಕಾರ್ಪೊರೇಟ್‌ ಸಂಸ್ಥೆಗಳಿಗೆ ಒಪ್ಪಿಸಲು ಕೇಂದ್ರ ಸರಕಾರ ಮುಂದಾಗಿದೆ. ತಕ್ಷಣ 3 ಕೃಷಿ ಕಾಯ್ದೆಗಳನ್ನು ರದ್ದುಪಡಿಸಿ, ಕೃಷಿ ಬೆಂಬಲ ಬೆಲೆಯನ್ನು ಕಾನೂನು ಬದ್ಧಗೊಳಿಸಬೇಕು ಎಂದು ಆಗ್ರಹಿಸಿದರು.

ಹೋರಾಟ ಸಮಿತಿ ಮತ್ತೂಬ್ಬ ಸಂಚಾಲಕ ಡಿ.ಎಚ್‌. ಕಂಬಳಿ ಮತ್ತು ಸಮಿತಿ ಮುಖಂಡ ನಾಗರಾಜ್‌ ಪೂಜಾರ್‌ ಮಾತನಾಡಿದರು. ಸಮಿತಿ ಮುಖಂಡರಾದ ಹುಸೇನ್‌ಬಾಷಾ, ಎಸ್‌.ದೇವೇಂದ್ರಗೌಡ, ಶೇûಾಖಾದ್ರಿ, ಖಾದರ್‌ ಸುಭಾನಿ, ಬಸವರಾಜ ಬಾದರ್ಲಿ, ಸಮ್ಮದ್‌ ಚೌದ್ರಿ, ಚಾಂದ್‌ಪಾಷಾ ಜಾಗೀರದಾರ್‌, ವಿರುಪಣ್ಣ, ಇಮಾಮ್‌ ಎತ್ಮಾರಿ ಇದ್ದರು.