ಕ್ರೀಡಾ ಮನೋಭಾವ ಬೆಳೆಸಿಕೊಳ್ಳಿ

Team Udayavani, Sep 10, 2018, 4:26 PM IST

ಮಸ್ಕಿ: ಕ್ರೀಡೆಗಳಲ್ಲಿ ಸೋಲು-ಗೆಲುವು ಸಹಜ. ಕ್ರೀಡಾಪಟುಗಳು ಕ್ರೀಡಾ ಮನೋಭಾವನೆಯಿಂದ ಭಾಗವಹಿಸಬೇಕು ಎಂದು ಪುರಸಭೆ ಅಧ್ಯಕ್ಷ ಮೌನೇಶ ಮುರಾರಿ ಹೇಳಿದರು.

ಪಟ್ಟಣದ ಸರಕಾರಿ ಬಾಲಕರ ಪ್ರೌಢಶಾಲೆ ಮೈದಾನದಲ್ಲಿ ಸ್ವಾತಂತ್ರ್ಯಾ ದಿನಾಚರಣೆ ಅಂಗವಾಗಿ ಜೈ ಭೀಮ್‌ ಕ್ರಿಕೆಟ್‌ ಕ್ಲಬ್‌ ವತಿಯಿಂದ ಕಳೆದ 20 ದಿನಗಳಿಂದ ನಡೆದ ಕ್ರಿಕೆಟ್‌ ಪಂದ್ಯಾವಳಿಯ ಅಂತಿಮ ಪಂದ್ಯದಲ್ಲಿ ವಿಜೇತರಿಗೆ ಬಹುಮಾನ ವಿತರಣೆ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

ಉತ್ತಮ ಆರೋಗ್ಯ ಕಾಯ್ದುಕೊಳ್ಳಲು ಕ್ರೀಡೆಗಳಲ್ಲಿ ಭಾಗವಹಿಸುವುದು ಅವಶ್ಯಕವಾಗಿದೆ. ಪ್ರತಿಯೊಬ್ಬರು ಕ್ರೀಡಾ ಚಟುವಟಿಕೆಗಳಲ್ಲಿ ತೊಡಗಬೇಕು. ಯುವಕರು ದುಶ್ಚಟಗಳಿಂದ ದೂರವಿರುದ್ದು ಆರೋಗ್ಯ ರಕ್ಷಣೆಗೆ ಆದ್ಯತೆ ನೀಡಬೇಕು ಎಂದರು.

ಡಿ.ಶರಣಪ್ಪ, ಬಿ.ಜಿ. ನಾಯಕ, ನಿಲಕಂಠಪ್ಪ ಭಜಂತ್ರಿ, ನಾಗಪ್ಪ ಮುರಾರಿ, ಮಲ್ಲಯ್ಯ ಬಳ್ಳಾ, ನಬಿರಸೂಲ್‌ ಶೇಡ್ಮಿ, ಅಶೋಕ ಮುರಾರಿ, ಶಿವಪ್ರಸಾದ್‌ ಕಾಯಿ, ಮೌನೇಶ ಹೊಸಮನಿ, ಭರತ್‌ ಕುಮಾರ, ಬಸವರಾಜ ಬುಕ್ಕಣ್ಣ, ರಾಮಸ್ವಾಮಿ, ದುರ್ಗರಾಜ ವಟಗಲ್‌ ಸೇರಿ ಇತರರಿದ್ದರು.

ಪಂದ್ಯದಲ್ಲಿ ಗೆಲುವು: ಇಂದು ನಡೆದ ರೈಸಿಂಗ್‌ ಸ್ಟಾರ್‌ ಮತ್ತು ಬೂಂ ಬೂಂ ಕ್ರಿಕೆಟ್‌ ತಂಡದ ನಡುವೆ ನಡೆದ ಅಂತಿಮ ಪಂದ್ಯದಲ್ಲಿ ರೈಸಿಂಗ್‌ ತಂಡ ರೋಚಕ ಗೆಲುವು ಸಾಧಿಸಿತು. ಮೊದಲು ಬ್ಯಾಟ್‌ ಮಾಡಿದ ಬೂಂ ಬೂಂ ತಂಡ 101 ರನ್‌ ಗಳಿಸಿತು. ನಂತರ ಬ್ಯಾಟಿಂಗ್‌ ಮಾಡಿದ ರೈಸಿಂಗ್‌ ಸ್ಟಾರ್‌ ತಂಡ 102 ರನ್‌ ಗಳಿಸಿ ಗೆಲುವು ಸಾಧಿಸಿತು. ವಿಜೇತ ತಂಡಕ್ಕೆ 20 ಸಾವಿರ ರೂ. ನಗದು ಬಹುಮಾನ ವಿತರಿಸಲಾಯಿತು. ಪಾಯಿಗಳ ಬಹುಮಾನ ಮತ್ತು ನಗದನ್ನು ಸ್ವೀಕರಿಸಿ ಸಂಬ್ರಮಿಸಿದರು. ಎರಡನೆ ಸ್ಥಾನ ಪಡೆದ ಬೂಂಬೂಂ ತಂಡಕ್ಕೆ 10 ಸಾವಿರ ರೂ. ನಗದು ಬಹುಮಾನ
ವಿತರಿಸಲಾಯಿತು.