ಭತ್ತದ ಹುಲ್ಲಿಗೆ ಬೆಂಕಿ: ಹಾನಿ

Team Udayavani, Dec 20, 2021, 2:38 PM IST

ನಾರಾಯಣಪುರ: ಜಾನುವಾರುಗಳ ಮೇವಿಗಾಗಿ ಭತ್ತದ ಹುಲ್ಲುನ್ನು ಟ್ರ್ಯಾಕ್ಟರ್‌ನ ಟ್ರೈಲರ್‌ನಲ್ಲಿ ತುಂಬಿಕೊಂಡು ಸಾಗಾಣೆ ಮಾಡುತ್ತಿದ್ದ ವೇಳೆ ಆಕಸ್ಮಿಕವಾಗಿ ಬೆಂಕಿ ಹೊತ್ತಿಕೊಂಡ ಪರಿಣಾಮ ಭತ್ತದ ಹುಲ್ಲು ಸುಟ್ಟು ಹೋಗಿರುವ ಘಟನೆ ರವಿವಾರ ಜರುಗಿದ್ದು, ತಕ್ಷಣ ಗ್ರಾಮದ ಯುವಕರು ಬೆಂಕಿ ನಂದಿಸಿ ಅನಾಹುತ ತಪ್ಪಿಸಿದ್ದಾರೆ.

ಗದ್ದೆಪ್ಪ ಎಂಬ ರೈತ ಗ್ರಾಮದ ಹೊರವಲಯದ ಭತ್ತದ ಗದ್ದೆಯೊಂದರಲ್ಲಿನ ಭತ್ತದ ಹುಲ್ಲನ್ನು ಸಂಗ್ರಹಿಸಿಕೊಂಡು ಟ್ರ್ಯಾಕ್ಟರ್‌ನಲ್ಲಿ ಮನೆಗೆ ಸಾಗಿಸುತ್ತಿದ್ದ. ಈ ವೇಳೆ ಬಸ್‌ ನಿಲ್ದಾಣ ಬಳಿಯ ಮುಖ್ಯ ರಸ್ತೆಯ ಬದಿಯಲ್ಲಿನ ಅಂಗಡಿಕಾರರು ಕಸಕ್ಕೆ ಬೆಂಕಿ ಹಚ್ಚಿದ್ದರು. ಟ್ರೈಲರ್‌ನಲ್ಲಿ ಒಣಗಿದ ಭತ್ತದ ಹುಲ್ಲಿಗೆ ಬೆಂಕಿಯ ಕಿಡಿ ಹೊತ್ತಿಕೊಂಡು ಕ್ಷಣಾರ್ಧದಲ್ಲಿ ಬೆಂಕಿ ಜ್ವಾಲೆ ದಟ್ಟವಾಗಿ ಆವರಿಸಿಕೊಂಡು ಭತ್ತದ ಹುಲ್ಲು ಸುಟ್ಟುಹೋಗಿದೆ. ಇದನ್ನು ಗಮನಿಸಿದ ಯುವಕರು ನೀರನ್ನು ತಂದು ಬೆಂಕಿ ನಂದಿಸಿದ್ದಾರೆ.