ಕಡ್ಡಾಯವಾಗಿ ಮಾಸ್ಕ್ ಧರಿಸಿ

Team Udayavani, Jun 20, 2020, 8:13 AM IST

ದೇವದುರ್ಗ: ಕೋವಿಡ್ ವೈರಸ್‌ ತಡೆಗಟ್ಟಲು ಸಾರ್ವಜನಿಕರ ಸಹಕಾರ ಬಹಳ ಅಗತ್ಯವಿದೆ ಎಂದು ತಹಶೀಲ್ದಾರ್‌ ಮಧುರಾಜ ಯಾಳಗಿ ಹೇಳಿದರು.

ತಾಲೂಕ ಆಡಳಿತ ಮತ್ತು ತಾಪಂ, ಪುರಸಭೆ ಇಲಾಖೆ ವತಿಯಿಂದ ಕೋವಿಡ್‌ -19 ತಡೆಗಟ್ಟಲು ಮಾಸ್ಕ್ ದಿನ ಆಚರಣೆ ಪ್ರಯುಕ್ತ ನಡೆದ ಜನಜಾಗೃತಿ ಜಾಥಕ್ಕೆ ಚಾಲನೆ ನೀಡಿ ಮಾತನಾಡಿದ ಅವರು, ತಾಲೂಕಿನಲ್ಲಿ ಈಗಾಗಲೇ ಪಾಸಿಟಿವ್‌ ಪ್ರಕರಣಗಳು ಹೆಚ್ಚಿರುವ ಕಾರಣ ಜನರು ಮಾಸ್ಕ್, ಸ್ಯಾನಿಟೈರಸ್‌ ಬಸಬೇಕು. ಮಾಸ್ಕ್ ಧರಸದೇ ಇರುವವರಿಗೆ ದಂಡ ವಿಧಿಸಲಾಗುತ್ತದೆ. ಪಟ್ಟಣ ಸೇರಿ ಗ್ರಾಮೀಣ ಪ್ರದೇಶದ ಜನರು ವಿವಿಧ ಕೆಲಸಗಳಿಗೆ ಸರಕಾರಿ ಕಚೇರಿಗೆ ಆಗಮಿಸುವ ಪ್ರತಿಯೊಬ್ಬರು ಮಾಸ್ಕ್ ಧರಿಸುವುದು ಕಡ್ಡಾಯವಾಗಿದೆ. ಹೋಟೆಲ್‌, ಕಿರಾಣಿ ಅಂಗಡಿ, ಬಟ್ಟೆ, ತರಕಾರಿ ಸೇರಿ ಇತರೆ ವ್ಯಾಪಾರ ವಹಿವಾಟ ಮಾಡುವಾಗ ಎಲ್ಲರೂ ಮಾಸ್ಕ್ ಧರಿಸಬೇಕು ಎಂದು ಹೇಳಿದರು.

ಮಿನಿ ವಿಧಾನಸೌಧ ಆವರಣದಿಂದ ಆರಂಭವಾದ ಜಾಥಾ ಸಾರ್ವನಿಕ ಕ್ಲಬ್‌, ಬಸವಣ್ಣ ವೃತ್ತ, ಗಾಂಧಿ  ವೃತ್ತ, ವಾಲ್ಮೀಕಿ ವೃತ್ತ, ಅಂಬೇಡ್ಕರ್‌ ವೃತ್ತದ ವರೆಗೆ ಸಂಚರಿಸಿ ಕೋವಿಡ್‌ 19 ವೈರಸ್‌ ತಡೆಗಟ್ಟಲು ಜಾಗೃತಿ ಮೂಡಿಸಲಾಯಿತು. ಪುರಸಭೆ ಮುಖ್ಯಾಧಿಕಾರಿ ಶರಣಪ್ಪ, ಉಪತಹಶೀಲ್ದಾರ್‌ ಶ್ರೀನಿವಾಸ ಚಾಪಲ್‌, ಪಿಎಸ್‌ಐ ರಂಗಯ್ಯ, ಪುರಸಭೆ ನರಸರೆಡ್ಡಿ, ಗಂಗಾಧರ ಇದ್ದರು.