27 ಕಾರ್ಮಿಕರ ಬಿಡುಗಡೆ

Team Udayavani, May 31, 2020, 1:11 PM IST

ಸಾಂದರ್ಭಿಕ ಚಿತ್ರ

ಮುದಗಲ್ಲ: ಹಲ್ಕಾವಟಗಿ ಗ್ರಾಮದ ಸರ್ಕಾರಿ ಪ್ರೌಢಶಾಲೆಯ ಕ್ವಾರಂಟೈನ್‌ ಕೇಂದ್ರದಲ್ಲಿದ್ದ 21 ಜನರು 14 ದಿನಗಳು ಕ್ವಾರಂಟೈನ್‌ ಪೂರೈಸಿ ಮನೆಗೆ ತೆರಳಿದ್ದಾರೆ.

ಕೋವಿಡ್ ವರದಿ ನೆಗೆಟಿವ್‌ ವರದಿ ಬಂದಿರುವ ಕಾರಣ ತಹಶೀಲ್ದಾರ್‌ ಅನುಮತಿ ಮೇರೆಗೆ 21 ಕಾರ್ಮಿಕರಿಗೆ ಹೋಂ ಕ್ವಾರಂಟೈನ್‌ ಮುದ್ರೆ ಹಾಕಿ ಕ್ವಾರಂಟೈನ್‌ ಕೇಂದ್ರದಿಂದ ಬಿಡುಗಡೆ ಮಾಡಿದರು. ಬೇರೆ ರಾಜ್ಯಗಳಿಂದ ಬಂದಿದ್ದ ಹಿನ್ನೆಲೆ ಅವರನ್ನು ಕ್ವಾರಂಟೈನ್‌ ಮಾಡಲಾಗಿತ್ತು. ಗ್ರಾಪಂ ಅಧ್ಯಕ್ಷ ಯಮನೂರಪ್ಪ, ಪಿಡಿಒ ನರಸಪ್ಪ, ಗ್ರಾಮ ಲೆಕ್ಕಾಧಿಕಾರಿ ಇಮಾಮಸಾಬ್‌, ಡಾ| ಸಚಿನ್‌ ಇದ್ದರು.

ಆರು ಜನ ಬಿಡುಗಡೆ: ತಲೇಖಾನ ಗ್ರಾಪಂ ನೂತನ ಕಟ್ಟಡದಲ್ಲಿ ಕ್ವಾರಂಟೈನ್‌ ಮಾಡಲಾದ ಲಿಂಬೆಪ್ಪನ ತಾಂಡಾದ 6 ಜನರು 14 ದಿನಗಳು ಕ್ವಾರಂಟೈನ್‌ ಪೂರೈಸಿ ಮನೆಗೆ ತೆರಳಿದರು. ಕೋವಿಡ್  ವರದಿ ನೆಗೆಟಿವ್‌ ವರದಿ ಬಂದಿರುವ ಕಾರಣ ತಹಶೀಲ್ದಾರ್‌ ಅನುಮತಿ ಮೇರೆಗೆ ತಾಂಡಾ ನಿವಾಸಿಗಳಿಗೆ ಹೋಂ ಕ್ವಾರಂಟೈನ್‌ ಮುದ್ರೆ ಹಾಕಿ ಕ್ವಾರಂಟೈನ್‌ ಕೇಂದ್ರದಿಂದ ಬಿಡುಗಡೆ ಮಾಡಿದರು.