ಚನ್ನ ಬಸವೇಶ್ವರ ಗೋಶಾಲೆಗೆ ಜಾನುವಾರು ಬಿಡಲು ಮನವಿ

Team Udayavani, May 4, 2020, 12:30 PM IST

ರಾಯಚೂರು: ಸುವರ್ಣಗಿರಿ ವಿರಕ್ತಮಠದ ಶ್ರೀ ಮಹಾಲಿಂಗ ಸ್ವಾಮೀಜಿ ಜಿಲ್ಲಾ ಧಿಕಾರಿ ಆರ್‌. ವೆಂಕಟೇಶಕುಮಾರ ಅವರಿಗೆ ಮನವಿ ಸಲ್ಲಿಸಿದರು.

ರಾಯಚೂರು: ಸಿಂಧನೂರು ತಾಲೂಕು ಯದ್ದಲದೊಡ್ಡಿಯಲ್ಲಿರುವ ಚನ್ನಬಸವ ಶಿವಯೋಗಿಗಳ ಗೋಶಾಲೆಯಲ್ಲಿ ಸುಮಾರು 800 ಗೋವುಗಳಿಗೆ ಸ್ಥಳಾವಕಾಶವಿದ್ದು, ನೀರು ಮತ್ತು ಮೇವಿನ ಕೊರತೆಯಿಂದ ಜಾನುವಾರು ಸಾಕಲು ತೊಂದರೆ ಎದುರುಸುತ್ತಿರುವ ರೈತರು ಮಠದ ಗೋಶಾಲೆಗೆ ಬಿಡಬಹುದು ಎಂದು ಕೋರಲಾಗಿದೆ.

ಈ ಕುರಿತು ಸುವರ್ಣಗಿರಿ ವಿರಕ್ತಮಠದ ಶ್ರೀ ಮಹಾಲಿಂಗ ಸ್ವಾಮೀಜಿ ಜಿಲ್ಲಾಧಿಕಾರಿ ಆರ್‌. ವೆಂಕಟೇಶಕುಮಾರ, ಜಿಲ್ಲಾ ಪೊಲೀಸ್‌ ವರಿಷ್ಠಾಧಿಕಾರಿ ಡಾ| ಸಿ.ಬಿ. ವೇದಮೂರ್ತಿ ಅವರಿಗೆ ಮನವಿ ಸಲ್ಲಿಸಿದರು. ಮಠದ ಗೋಶಾಲೆಯಲ್ಲಿ ಸ್ಥಳಾವಕಾಶವಿದ್ದು, ಈ ಕಷ್ಟದಲ್ಲಿ ಸಾಕಲಾಗುವುದು. ಬೇಸಿಗೆ ಇರುವ ಕಾರಣ ನೀರು ಮೇವಿನ ಬವಣೆ ಶುರುವಾಗಿದೆ. ಹೀಗಾಗಿ ಮಠದಿಂದ ಈ ಕಾರ್ಯಕ್ಕೆ ಮುಂದಾಗಿದ್ದಾಗಿ ತಿಳಿಸಿದ್ದಾರೆ. ಕೋವಿಡ್ ವೈರಸ್‌ ಹರಡದಂತೆ ಸಾಕಷ್ಟು ಕಟ್ಟುನಿಟ್ಟಿನ ಕ್ರಮ ಕೈಗೊಂಡಿರುವ ಜಿಲ್ಲಾಡಳಿತದ ಬಗ್ಗೆ ಪ್ರಶಂಸೆ ವ್ಯಕ್ತಪಡಿಸಿದರು.