16 ಪಾಸಿಟಿವ್‌ ಪ್ರಕರಣ ದೃಢ: 631ಕ್ಕೆ ಸೋಂಕಿತರ ಸಂಖ್ಯೆ ಏರಿಕೆ

Team Udayavani, Jul 10, 2020, 12:07 PM IST

ರಾಯಚೂರು: ಜಿಲ್ಲೆಯಲ್ಲಿ ಗುರುವಾರ ಮತ್ತೆ 16 ಕೋವಿಡ್ ಪಾಸಿಟಿವ್‌ ಪ್ರಕರಣಗಳು ದೃಢಪಟ್ಟಿವೆ. ಇದರಿಂದ ಒಟ್ಟು ಸೋಂಕಿತರ ಸಂಖ್ಯೆ 631 ಆಗಿದ್ದು, 442 ಜನ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆ ಹೊಂದಿದ್ದಾರೆ.

ಇನ್ನೂ 183 ಸಕ್ರಿಯ ಪ್ರಕರಣಗಳಿವೆ. ಜಿಲ್ಲೆಯ ದೇವದುರ್ಗ ತಾಲೂಕಿನಿಂದ 84, ಲಿಂಗಸುಗೂರು ತಾಲೂಕಿನಿಂದ 57, ಮಾನ್ವಿ ತಾಲೂಕಿನಿಂದ 132, ಸಿಂಧನೂರು ತಾಲೂಕಿನಿಂದ 186 ಮತ್ತು ರಾಯಚೂರು ತಾಲೂಕಿನಿಂದ 154 ಸೇರಿದಂತೆ ಒಟ್ಟು 613 ಶಂಕಿತರ ಮಾದರಿಯನ್ನು ಪರೀಕ್ಷೆಗೆ ಕಳುಹಿಸಲಾಗಿದೆ. ಹಿಂದೆ ಕಳುಹಿಸಲಾಗಿದ್ದ ವರದಿಗಳಲ್ಲಿ 317 ನೆಗೆಟಿವ್‌ ಆಗಿವೆ. ಈವರೆಗೆ 27,001 ಜನರ ಗಂಟಲಿನ ದ್ರವ್ಯ ಮಾದರಿಯನ್ನು ಕೋವಿಡ್ ಪರೀಕ್ಷೆಗಾಗಿ ಕಳುಹಿಸ ಲಾಗಿದ್ದು, ಅವುಗಳಲ್ಲಿ 23,916 ವರದಿಗಳು ನೆಗೆಟಿವ್‌ ಆಗಿವೆ. 2,447 ಸ್ಯಾಂಪಲ್‌ ಗಳ ಫಲಿತಾಂಶ ಬರಬೇಕಿದೆ.

ಫಿವರ್‌ ಕ್ಲಿನಿಕ್‌ಗಳಲ್ಲಿ ಗುರುವಾರ 688 ಜನರನ್ನು ಥರ್ಮಲ್‌ ಸ್ಕ್ರೀನಿಂಗ್‌ಗೆ ಒಳಪಡಿಸಲಾಗಿದೆ. 135 ಜನರನ್ನು ಸಾಂಸ್ಥಿಕ ಕ್ವಾರೆಂಟೈನ್‌ನಲ್ಲಿ ಇರಿಸಿ ನಿಗಾವಹಿಸಲಾಗಿದೆ ಎಂದು ಪ್ರಕಟಣೆ ತಿಳಿಸಿದೆ.