ಪೊಲೀಸ್‌-ಆರೋಗ್ಯ ಸಿಬ್ಬಂದಿಗೆ ಸನ್ಮಾನ

Team Udayavani, Apr 26, 2020, 5:05 PM IST

ಯಡ್ರಾಮಿ: ಪೊಲೀಸ್‌ ಠಾಣೆಯ ಎಸೈ ಗುರಣ್ಣ ಹಾಗೂ ಆರೋಗ್ಯ ಸಹಾಯಕರಿಗೆ ಮಳ್ಳಿ-ನಾಗರಹಳ್ಳಿ ಯುವಕರು ಸನ್ಮಾನಿಸಿದರು

ಯಡ್ರಾಮಿ: ಕೋವಿಡ್ ಲಾಕ್‌ಡೌನ್‌ ಹಿನ್ನೆಲೆಯಲ್ಲಿ ನಾಗರಹಳ್ಳಿಯ ಡಾ| ಅಂಬೇಡ್ಕರ್‌ ವೃತ್ತದ ಬಳಿ ಇರುವ ಚೆಕ್‌ ಪೋಸ್ಟ್‌ನಲ್ಲಿ ಕರ್ತವ್ಯ ನಿರ್ವಹಿಸುತ್ತಿರುವ ಸಿಬ್ಬಂದಿಗೆ ಮಳ್ಳಿ -ನಾಗರಹಳ್ಳಿ ಯುವಕರು ಸನ್ಮಾನಿಸಿದರು.

ಚೆಕ್‌ಪೋಸ್ಟ್‌ನಲ್ಲಿ ನಿರಂತರ ಕರ್ತವ್ಯದಲ್ಲಿ ನಿರತರಾಗಿದ್ದರಿಂದ ಪೊಲೀಸರು, ಆರೋಗ್ಯ ಸಿಬ್ಬಂದಿ ಮನೆ, ಕುಟುಂಬಸ್ಥರ ಮುಖವೇ ನೋಡದಂತಾಗಿದೆ. ಲಾಕ್‌ಡೌನ್‌ ಪ್ರಾರಂಭವಾದಾಗಿನಿಂದಲೂ ರಸ್ತೆಯ ಪಕ್ಕದಲ್ಲಿಯೇ ತಮ್ಮ ಹಸಿವು, ನೀರಡಿಕೆ ಇಂಗಿಸಿಕೊಳ್ಳುವಂತಾಗಿದೆ. ಈ ಹಿನ್ನೆಲೆಯಲ್ಲಿ ಹಗಲು ರಾತ್ರಿ ಎನ್ನದೆ ಕೊರೊನಾ ಬಂದೋಬಸ್ತ್ಗಾಗಿ ಸೇವೆ ಸಲ್ಲಿಸುತ್ತಿರುವ ಪೊಲೀಸ್‌ ಸಿಬ್ಬಂದಿ, ಆರೋಗ್ಯ ಸಿಬ್ಬಂದಿ, ಸ್ವಯಂ ಸೇವಕರಿಗೆ ಗ್ರಾಮದ ಯುವ ಜನತೆ ಉಪಾಹಾರದ ವ್ಯವಸ್ಥೆ ಮಾಡಿ, ಅವರಿಗೆ ಪ್ರೋತ್ಸಾಹಿಸಿದರು.

ಸಿಬ್ಬಂದಿಯ ಪ್ರಾಮಾಣಿಕ ಕಾರ್ಯಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದರು. ಡಾ| ಚನ್ನವೀರಪ್ಪ, ಎಸೈ ಗುರಣ್ಣ, ಪೊಲೀಸ್‌ ಸಿಬ್ಬಂದಿಗಳಾದ ಶಾಂತೇಶ, ವಿಠ್ಠಲ ಹೂಗಾರ, ಭೀಮಾಶಂಕರ ಅಲ್ಲಾಪುರ, ಸುರೇಶ ಸಾಹು ನಾಗರಾಳ, ಬಸಲಿಂಗ ಸಾಹು ಕುರುಳಗೇರಾ, ಬಸವರಾಜ, ಪ್ರವೀಣ ನಾಗರಹಳ್ಳಿ, ಸಿದ್ಧಯ್ಯ ಚಿಕ್ಕಮಠ, ಹುಸೇನಿ ಬೂದನೂರ, ಕಿರಣ ತಾಳಿಕೋಟಿ, ರುದ್ರಗೌಡ ಬಿರಾದಾರ ಇತರರಿದ್ದರು