ಕೋವಿಡ್ 19 ಲಾಕ್ ಡೌನ್ ಎಫೆಕ್ಟ್: ಈ ಗ್ರಾಮಕ್ಕೆ ‘ನೋ ಎಂಟ್ರಿ’

Team Udayavani, Mar 25, 2020, 10:56 AM IST

ರಾಮನಗರ: ಕೋವಿಡ್ 19 ವೈರಸ್ ಹರಡುವಿಕೆಯನ್ನು ತಡೆಯಲು ಇಂದಿನಿಂದ 21 ದಿನಗಳ ಕಾಲ ದೇಶವನ್ನೇ ಲಾಕ್ ಡೌನ್ ಮಾಡಲಾಗಿದೆ. ಈ ಹಿನ್ನಲೆಯಲ್ಲಿ ಹೊರಭಾಗದವರು ತಮ್ಮ ಊರನ್ನು ಪ್ರವೇಶಿಸಬಾರದು ಎಂದು ಜಿಲ್ಲೆಯ ಮಾಗಡಿ ತಾಲೂಕಿನ ಮಾದಿಗೊಂಡನ ಹಳ್ಳಿ ಗ್ರಾಮಸ್ಥರು ತಮ್ಮ ಗ್ರಾಮದ ಪ್ರವೇಶ ದ್ವಾರದಲ್ಲೇ ‘ನೋ ಎಂಟ್ರಿ’ (ಪ್ರವೇಶವಿಲ್ಲ) ಬೋರ್ಡ್ ಹಾಕಿದ್ದಾರೆ.

ಗ್ರಾಮದ ಪ್ರವೇಶ ದ್ವಾರದಲ್ಲೇ ಇಲ್ಲಿನ ಯುವಕರು ಮುಳ್ಳುಗಳನ್ನು ಹಾಕಿ ಮುಚ್ಚಿದ್ದಾರೆ. ಹೊರಭಾಗದಿಂದ ಸೋಂಕು ಪೀಡಿತರು ಅಥವಾ ಶಂಕಿತ ಸೋಂಕಿತರು ಬರಬಾರದೆನ್ನುವ ಮುನ್ನೆಚ್ಚರಿಕೆ ಕ್ರಮವಾಗಿ ಈ ರೀತಿ ಮಾಡಲಾಗಿದೆ ಎಂದು ತಿಳಿದುಬಂದಿದೆ.

ಇಷ್ಟು ಮಾತ್ರವಲ್ಲದೇ ಮಾದಿಗೊಂಡನ ಹಳ್ಳಿಯ ಗ್ರಾಮಸ್ಥರೂ ಸಹ ತಮ್ಮ ಗ್ರಾಮವನ್ನು ಬಿಟ್ಟು ಹೊರಹೋಗುವಂತಿಲ್ಲ ಎಂಬ ನಿರ್ಬಂಧವನ್ನೂ ಸಹ ಗ್ರಾಮಸ್ಥರು ತಮಗೆ ತಾವೇ ಹಾಕಿಕೊಂಡಿದ್ದಾರೆ.