ಸಾರ್ವಜನಿಕರ ಸಹಕಾರದಿಂದ ಜಾನುವಾರು ರಕ್ಷಣೆ

Team Udayavani, Jul 6, 2019, 4:30 PM IST

ವಾಹನದಲ್ಲಿ ಜಾನುವಾರುಗಳನ್ನು ತುಂಬಿರುವುದು.

ಚನ್ನಪಟ್ಟಣ: ಜಾನುವಾರುಗಳನ್ನು ಕೇರಳದ ಕಸಾಯಿ ಖಾನೆಗೆ ಸಾಗಿಸುತ್ತಿರುವುದರ ಬಗ್ಗೆ ಖಚಿತ ಮಾಹಿತಿ ಪಡೆದ ಗ್ರಾಮಾಂತರ ಪೊಲೀಸರು, ಸಾರ್ವಜನಿಕರ ಸಹಕಾರದೊಂದಿಗೆ ದಾಳಿ ನಡೆಸಿ 20 ಜಾನುವಾರುಗಳನ್ನು ರಕ್ಷಿಸಿದ್ದಾರೆ.

ತಾಲೂಕಿನ ಸುಣ್ಣಗಟ್ಟ ಗ್ರಾಮದ ಬಳಿ ಮದ್ಯಾಹ್ನ 3ರ ಸುಮಾರಿನಲ್ಲಿ ನಗರದಿಂದ ಕ್ಯಾಂಟರ್‌ನಲ್ಲಿ 20 ಜಾನುವಾರುಗಳನ್ನು ಕಿರಿದಾದ ಸ್ಥಳದಲ್ಲಿ ಒಂದರ ಮೇಲೊಂದರಂತೆ ಹಗ್ಗದಿಂದ ಬಿಗಿದು ಉಸಿರುಗಟ್ಟಿಸುವ ಸಂಕಷ್ಟದ ವಾತಾವರಣದಲ್ಲಿ ದೂರದ ಕೇರಳಕ್ಕೆ ಸಾಗಿಸಲಾಗುತ್ತಿತ್ತು.

ಪೊಲೀಸರಿಗೆ ಬಂದ ಅಪರಿಚಿತ ಕರೆಯೊಂದರ ಮಾಹಿತಿಯನ್ನು ಆಧರಿಸಿ, ಗ್ರಾಮಾಂತರ ಪೊಲೀಸರು ಮಿಂಚಿನ ಕಾರ್ಯಾಚರಣೆ ನಡೆಸಿ ಜಾನುವಾರುಗಳನ್ನು ರಕ್ಷಿಸಿದ್ದಾರೆ. ಪೊಲೀಸರ ದಾಳಿ ಸಂದರ್ಭದಲ್ಲಿ ವಾಹನದಲ್ಲಿದ್ದ ಇಬ್ಬರು ವ್ಯಕ್ತಿಗಳು ಪರಾರಿಯಾಗಿದ್ದಾರೆ. ಆಲಿ ಹಾಗೂ ಅಬ್ಟಾಸ್‌ ಎಂಬ ಇನ್ನಿಬ್ಬರು ಆರೋಪಿಗಳನ್ನು ಪೊಲೀಸರು ತಮ್ಮ ವಶಕ್ಕೆ ಪಡೆದುಕೊಂಡಿದ್ದಾರೆ.